Online Education: देशातील २.९ कोटी विद्यार्थ्यांकडे डिजीटल उपकरणे नाहीत Rojgar News

Online Education: देशातील २.९ कोटी विद्यार्थ्यांकडे डिजीटल उपकरणे नाहीत Rojgar News

Online Education: करोनानंतर देशभरात ऑनलाइन शिक्षणाचे महत्व अधोरेखित झाले. आता शाळा सुरु होत असल्यातरी मागचे दीड वर्षात विद्यार्थी घरुनच शिक्षण घेत होते. शक्य झाले त्यांनी मोबाइल, कॉम्प्युटरच्या मदतीने घेतले पण देशात २.९ कोटीहून अधिक मुलांकडे डिजीटल उपकरणेच नाहीत अशी माहिती देण्यात आली आहे. शिक्षण मंत्रालयाने दिलेल्या अहवालातून ही आकडेवारी समोर आली आहे. करोनामुळे शाळा बंद झाल्यानंतर कोणतेही डिजीटल उपकरण नसल्याने या विद्यार्थ्यांना एक वर्षाहून अधिक काळ त्रास सहन करावा लागला आहे. '२०२०-२१ मध्ये शालेय शिक्षणासाठी पुढाकार आणि अध्यापन चालू ठेवणे' (Initiatives by school education sector in 2020-21 for continuing teaching and learning) या शीर्षकाखाली एक अहवाल प्रसिद्ध करण्यात आला आहे. त्यामध्ये यासंदर्भात माहिती देण्यात आली आहे. या अहवालानुसार २.९ कोटीहून जास्त विद्यार्थ्यांकडे नाही. यामधील सर्वाधिक विद्यार्थ्यांची संख्या बिहार राज्यामध्ये आहे. बिहारमध्ये १.४ कोटी विद्यार्थ्यांकडे डिजीटल उपकरणे नाहीत. झारखंड दुसऱ्या क्रमांकावर बिहारनंतर झारखंड राज्याचा यामध्ये दुसरा क्रमांक लागते. या राज्यातील विद्यार्थी देखील डिजीटल उपकरणांचा वापर कमी करतात. येथे ३२.५ लाख मुलांपर्यंत डिजीटल उपकरणे पोहोचली नाहीत. कर्नाटक तिसऱ्या क्रमांकावर डिजीटल एक्सेस नसलेल्या राज्यांमध्ये कर्नाटकचा तिसरा क्रमांक लागते. या राज्यात ३१.३ लाख विद्यार्थ्यांकडे डिजीटल उपकरणे नाहीत. उत्तर प्रदेश, महाराष्ट्र, अंदमान आणि निकोबार, मणिपूर, गोवा, अरुणाचल प्रदेश आणि पश्चिम बंगाल या राज्यांचा डेटा अद्याप समोर आला नाही. चार राज्ये आणि केंद्रशासित प्रदेश- दिल्ली, चंदीगड, छत्तीसगड आणि मध्य प्रदेश यांनी आपला डेटा दिला आहे. मध्य प्रदेश, जम्मू आणि काश्मीर, चंदीगड, दिल्लीची आकडेवारी मध्य प्रदेश, जम्मू आणि काश्मीरमधील ७० टक्के विद्यार्थ्यांनी डिजीटल उपकरणांचा वापर केला नाही. चंदीगडमध्ये ही संख्या २७.२८ टक्के होती. दिल्लीतील केवळ ४ टक्के मुलांकडे डिजीटल एक्सेस नाही. अहवालात पुढे म्हटले आहे की, केंद्र सरकारद्वारे चालवल्या जाणाऱ्या नवोदय विद्यालय (NVs) आणि केंद्रीय विद्यालयांच्या (KVs) बहुतेक विद्यार्थ्यांना डिजीटल शिक्षण मिळवण्यात कोणतीही अडचण आली नाही. नवोदय विद्यालयाच्या ७ टक्क्यांहून अधिक विद्यार्थ्यांकडे डिजीटल उपकरणे नव्हती. तर केंद्रीय विद्यार्थ्यांमध्ये ही संख्या २ टक्क्यांपेक्षा कमी होती. ज्या मुलांकडे डिजीटल उपकरणे नाहीत त्यांच्या टिचिंग आणि लर्निंग ही सरकारसाठी चिंतेची बाब ठरली आहे.


from Career News in Marathi: Career News, मराठी Career बातम्या | Maharashtra Times https://ift.tt/307vBbU
via nmkadda

0 Response to "Online Education: देशातील २.९ कोटी विद्यार्थ्यांकडे डिजीटल उपकरणे नाहीत Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel