सरकारी बॅंकेतील रिक्त जागांसाठी अर्ज प्रक्रिया सुरु, जाणून घ्या मुख्य बाबी Rojgar News

सरकारी बॅंकेतील रिक्त जागांसाठी अर्ज प्रक्रिया सुरु, जाणून घ्या मुख्य बाबी Rojgar News

IBPS PO Application 2021: विविध राष्ट्रीय बँकांमध्ये प्रोबेशनरी ऑफिसर/मॅनेजमेंट ट्रेनीच्या ४१३५ पदांच्या भरतीसाठी अर्जाची प्रक्रिया सुरू झाली आहे. १० नोव्हेंबर २०२१ ही अर्ज करण्याची शेवटची तारीख आहे. अर्जांपासून ते अंतिम निवड यादी जाहीर करण्यापर्यंत भरतीची संपूर्ण प्रक्रिया इन्स्टिट्यूट ऑफ बँकिंग पर्सोनल सिलेक्शन (IBPS) च्या माध्यमातून होणार आहे. या अंतर्गत निवड झालेल्या उमेदवारांना बँक ऑफ बडोदा, बँक ऑफ इंडिया, बँक ऑफ महाराष्ट्र, कॅनरा बँक, सेंट्रल बँक ऑफ इंडिया, इंडियन बँक, इंडियन ओव्हरसीज, पंजाब नॅशनल बँक, पंजाब अँड सिंध बँक, यूको बँक आणि युनियन बँक या बँकांमध्ये भरती केले जाणार आहे. IBPS PO Application २०२१: मुख्य मुद्दे बँक पीओ भरतीची तयारी करणाऱ्या इच्छुकांनी IBPS PO २०२१ (CRP PO/MT-XI 2022-23) साठी अर्ज करण्यापूर्वी भरतीचे नोटिफिकेशन काळजीपूर्वक वाचणे गरजेचे आहे. यातील काही महत्त्वाचे मुद्दे पुढे देण्यात आले आहेत. १० नोव्हेंबर २०२१ ही ऑनलाईन अर्जामध्ये सुधारणा करण्याची आणि अर्ज शुल्क भरण्याची शेवटची तारीख आहे. उमेदवारांना या कालावधीतच अर्ज सादर करावा लागेल. IBPS PO २०२१ च्या निवड प्रक्रियेमध्ये प्राथमिक परीक्षा, मुख्य परीक्षा आणि मुलाखत हे तीन टप्पे आहेत. प्राथमिक परीक्षा ४ ते ११ डिसेंबर २०२१ दरम्यान घेण्यात येणार आहे. नोव्हेंबर २०२१ मध्ये प्रवेशपत्र जाहीर केले जाणार आहे. प्राथमिक परीक्षेत यशस्वी घोषित झालेल्या उमेदवारांना जानेवारी २०२२ मध्ये घेण्यात येणाऱ्या मुख्य परीक्षेसाठी बोलावले जाईल. मुख्य परीक्षेतील कामगिरीच्या आधारावर उत्तीर्ण उमेदवार फेब्रुवारी/मार्च २०२२ मध्ये होणाऱ्या मुलाखतीसाठी पात्र असतील. पीओ/एमटी भरती २०२१ ची अंतिम निवड यादी (अलॉटमेंट) आयबीपीएस द्वारे एप्रिल २०२२ मध्ये जाहीर केली जाणार आहे. १० नोव्हेंबरपर्यंत पदवी पूर्ण असलेले आणि किमान वयोमर्यादा २० वर्षे आणि कमाल वयोमर्यादा ३० वर्षे असलेले उमेदवार IBPS PO अर्ज भरु शकतात. यासाठी अर्ज शुल्क ८५० रुपये आहे. एससी, एसटीए दिव्यांग उमेदवारांसाठी शुल्त १७५ रुपये आहे. IBPS PO/MT साठी असा करा अर्ज सरकारी बँकांमध्ये प्रोबेशनरी ऑफिसर/ मॅनेजमेंट ट्रेनीच्या ४ हजारहून अधिक पदांवर भरती सुरु आहे. यासाठी अर्ज करू इच्छिणारा उमेदवाराक कोणत्याही शाखेतील पदवीधर असणे गरजेचे आहे. पदांसाठी इच्छुक उमेदवार IBPS ची अधिकृत वेबसाइट ibps.in वर ऑनलाईन माध्यमातून अर्ज करू शकतील. अर्ज प्रक्रियेअंतर्ग उमेदवार २० ऑक्टोबर ते १० नोव्हेंबर २०२१ पर्यंत नोंदणी करू शकतील. तसेच, त्याच तारखेपर्यंत, उमेदवारांना विहित अर्ज शुल्क देखील भरावे लागेल. अर्ज शुल्क ऑनलाइन माध्यमातून भरावे लागणार आहे. ७८५५ लिपिक पदांसाठी अर्ज प्रक्रिया आयबीपीएस लिपिक २०२१ अंतर्गत सार्वजनिक क्षेत्रातील विविध बँकांमध्ये ७८५५ लिपिक पदांच्या भरतीसाठी अर्ज करण्याची प्रक्रिया आधीच सुरू आहे. इन्स्टिट्यूट ऑफ बँकिंग पर्सोनल सिलेक्शन (IBPS) ने ७ हजारहून अधिक लिपिक पदांसाठी अर्ज मागविले आहेत. उमेदवारांना २७ ऑक्टोबर २०२१ पर्यंत अर्ज करता येणार आहे. या पदांसाठी मान्यताप्राप्त विद्यापीठ किंवा इतर उच्च शिक्षण संस्थेतील कोणत्याही शाखेतील पदवीधर उमेदवार अर्ज करु शकतात. IBPS लिपिक भरती २०२१ च्या नोटिफिकेशनमध्ये पदभरतीसंदर्भातील अधिक तपशील देण्यात आला आहे.


from Career News in Marathi: Career News, मराठी Career बातम्या | Maharashtra Times https://ift.tt/30Gx88Z
via nmkadda

0 Response to "सरकारी बॅंकेतील रिक्त जागांसाठी अर्ज प्रक्रिया सुरु, जाणून घ्या मुख्य बाबी Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel