Deoxa Indonesian Channels

lisensi

Advertisement

Advertisement
मंगळवार, २६ ऑक्टोबर, २०२१, ऑक्टोबर २६, २०२१ WIB
Last Updated 2021-10-26T06:43:57Z
मराठी Career बातम्या | Maharashtra Times C2KCareer News in Marathi: Career NewsIFTTTjobmarathimajhinaukrimajhinewsnmkadda

शालेय बसचे चाक अडखळलेलेच! कमी क्षमतेने विद्यार्थ्यांची वाहतूक परवडेना Rojgar News

Advertisement
म. टा. वृत्तसेवा, नवी मुंबई करोनाचा संसर्ग आटोक्यात येत असल्याने शाळा पुन्हा सुरू झाल्या असल्या तरी विद्यार्थ्यांना करोनाची लागण होऊ नये म्हणून राज्य सरकारने नियमावली आखून दिली आहे. शालेय बसमध्ये क्षमतेच्या केवळ ५० टक्के विद्यार्थ्यांना नेता येणार आहे. इंधनाचे वाढलेले भाव आणि त्या तुलनेत कमी प्रवासी वाहतुकीचे निर्बंध असल्याने शालेय बस संघटनांनी दरवाढीची मागणी केली आहे. तर, कमी क्षमेतेने विद्यार्थ्यांची वाहतूक होत असल्यामुळे पालकांनाही आर्थिक भुर्दंड सहन करावा लागणार आहे. पूर्ण क्षमतेने विद्यार्थी वाहतुकीला परवानगी देण्यात यावी, अन्यथा दरवाढीची मागणी नवी मुंबई स्कूल बसच्या संघटनेकडून करण्यात येत आहे. या मागण्या पूर्ण होईपर्यंत काही बसचालकांनी प्रवासीसेवा न देण्याचा निर्णय घेतला आहे, तर काही शाळांच्या स्वत:च्या बस आहेत. त्यांनी छुप्या पद्धतीने बस दरवाढ लागू केल्याने पालकांवर अतिरिक्त बोजा पडू लागला आहे. करोनाची दुसरी लाट ओसरू लागल्याने मागील दीड वर्षांपासून बंद असलेल्या शाळा १५ दिवसांपूर्वी पुन्हा सुरू झाल्या आहेत. मात्र सरकारने दिलेल्या नियमावलीनुसार, जे विद्यार्थी शाळेत बसने जाणार आहेत, ते एका आसनावर एकच विद्यार्थी अशा पद्धतीने प्रवास करतील. यासंबंधी पालकांनी आणि वाहनचालकांनी दक्षता घ्यावी, अशा सूचना जिल्हा प्रशासनाकडून देण्यात आल्या आहेत. त्यामुळे शालेय विद्यार्थ्यांची वाहतूक करणाऱ्या बसमध्ये केवळ ५० टक्के क्षमतेनेच वाहतूक करावी लागणार आहे. शाळा सुरू झाल्याने अर्थचक्र रुळावर येईल, अशी आशा सर्व बसमालकांना होती. संपूर्ण क्षमतेने विद्यार्थी वाहतुकीला परवानगी मिळाली नसल्याने बसमालकांचा हिरमोड झाला आहे. बस सुरू केल्या तर विद्यार्थ्यांना शाळेत सोडण्यासाठी अधिकच्या फेऱ्या माराव्या लागणार आहेत. त्यात मागील काही महिन्यांपासून इंधनाच्या दरात वाढ होत आहे. विम्याचीही रक्कम वाढलेली आहे. स्कूल बसच्या देखभालीच्या खर्चाच्या किमती, अधिकच्या फेऱ्या आणि इंधनाच्या दरात झालेली भरमसाठ वाढ यामुळे सध्या शालेय बस चालविणे आर्थिकदृष्ट्या परवडत नसल्याचे बसमालकांचे म्हणणे आहे. त्यामुळे पूर्ण क्षमतेने विद्यार्थी वाहतुकीला परवानगी आणि ४० टक्क्यांनी दरवाढ होत नाही, तोपर्यंत शालेय बस चालविणार नसल्याचा पवित्रा या संघटनांनी घेतला आहे. पालकांना आर्थिक भुर्दंड विद्यार्थ्यांना शाळेत सोडण्यासाठी पालक काही छोट्या आणि खासगी गाड्यांचा पर्याय स्वीकारतात. हे छोटे गाडीमालक त्यांच्या गाडीच्या क्षमतेनुसार १० ते १५ विद्यार्थ्यांची वाहतूक करतात. या वाहनांच्या मालकांनी त्यांच्या दरात ३० ते ४० टक्क्यांनी वाढ केली आहे. एकीकडे बस बंद आणि दुसरीकडे लहान वाहनांनी केलेली दरवाढ यामुळे पालकवर्ग कोंडीत सापडला आहे. पूर्ण क्षमतेने विद्यार्थी वाहतुकीला परवानगी देण्यात यावी. परिवहन सेवेच्या बस, लोकल ट्रेनमध्ये गर्दी असते. मात्र शालेय बसना हा नियम का? एका सीटवर एका विद्यार्थ्याला बसवल्याने बसमालकांना आर्थिकदृष्ट्या परवडणारे नाही. तसेच, दरवाढ केल्यानंतर पालकांनाही परवडणार नाही. त्यामुळे शालेय बससेवा बंद ठेवण्याचा निर्णय घेण्यात आला आहे. - संतोष शेट्टी, सल्लागार,


from Career News in Marathi: Career News, मराठी Career बातम्या | Maharashtra Times https://ift.tt/3nsEjta
via nmkadda