Advertisement
Indian Recruitment 2021: भारतीय नौदलात विविध पदांच्या रिक्त जागा भरल्या जाणार आहेत. यासाठी अधिकृत वेबसाइटवर नोटिफिकेशन जाहीर करण्यात आले असून उमेदवारांकडून ऑनलाइन माध्यमातून अर्ज मागविण्यात आले आहेत. या पदासाठी लागणारी शैक्षणिक पात्रता, अनुभव, वयोमर्यादा, पगार यांचा सविस्तर तपशील नोटिफिकेशनमध्ये देण्यात आला आहे. पदाचा तपशील भारतीय नौदलामधील पदभरतीच्या नोटिफिकेशननुसार कुक, कारभारी आणि सफाई कामगार ही पदे भरली जाणार आहेत. या अंतर्गत एकूण ३०० जागांची भरती होणार असून या राज्यवार विभागल्या जाणार आहेत. अर्ज केलेल्या एकूण उमेदवारांमधून सुरुवातीला गुणवत्तेच्या आधारावर १ हजार ५०० उमेदवारांची निवड केली जाणार आहे. यानंतर उमेदवारांची लेखी परीक्षा आणि शारीरिक योग्यता चाचणी होणार आहे. वेगवेगळ्या राज्यांमधून लेखी परीक्षा देणाऱ्या उमेदवारांची कटऑफ वेगळी असू शकेल असे भारतीय नौदलाच्या नोटिफिकेशनमध्ये स्पष्ट करण्यात आले आहे. शैक्षणिक आर्हता या पदासाठी अर्ज करणारे उमेदवार मान्यताप्राप्त शिक्षणसंस्थेतून दहावी उत्तीर्ण असणे गरजेचे आहे. तसेच उमेदवाराचा जन्म १ एप्रिल २००२ ते ३१ मार्च २००५ दरम्यानचा असणे गरजेचे आहे. कुक (शेफ) पदासाठी निवड झालेल्या उमेदवारास शाकाहारी आणि मांसाहारी अन्न बनवावे लागेल. तसेच रोजच्या रेशनचा हिशेबही ठेवावा लागणार आहे. याअनुशंगाने येणारी इतर कामे देखील करावी लागतील. कमिशन ऑफिसर पदापर्यंत पोहचण्याची संधी भरती केलेल्या उमेदवारांना भविष्यात मास्टर शेफ पॅंटरी ऑफिसर पदापर्यंत बढती देण्यात येऊ शकते. डिफेन्स मॅट्रिक्स लेव्हल आठ या पदासाठी निवड झालेल्या उमेदवारास ४७ हजार ६०० ते १ लाख ५१ हजार १०० रुपयांपर्यंत दरमहा पगार दिला जाईल. यासोबतच सेवा भत्ता आणि महागाई भत्ता म्हणून ५ हजार २०० रुपये दरमहा दिले जातील. भारतीय नौदलाने जाहीर केलेल्या नोटिफिकेशननुसार, सर्वोत्तम रेकॉर्ड, निर्धारित परीक्षा आणि एसएसबी उत्तीर्ण झालेल्या खलाशांसाठी कमिशन अधिकारी म्हणून पोस्ट मिळण्याची शक्यता आहे. अर्जाची अंतिम तारीख या पदभरतीसाठी उमेदवारांनी २ नोव्हेंबरपर्यंत अर्ज करता येणार आहे. अर्ज करण्यापुर्वी उमेदवारांनी नोटिफिकेशन काळजीपुर्वक वाचणे गरजेचे आहे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
from Career News in Marathi: Career News, मराठी Career बातम्या | Maharashtra Times https://ift.tt/3G8T1hD
via nmkadda