.webp)
Advertisement
IIM Nagpur : इंडियन इंस्टिट्यूट ऑफ मॅनेजमेंट नागपूर () मध्ये विविध पदांच्या भरतीसाठी जाहिरात प्रसिद्ध करण्यात आली आहे. या पदासाठी लागणारी शैक्षणिक आर्हता, वयोमर्यादा, अनुभव, पगार याचा सविस्तर तपशील नोटिफिकेशनमध्ये देण्यात आला आहे. उमेदवारांकडून ऑनलाइन माध्यमातून हे अर्ज मागविण्यात आले आहेत. इंडियन इंस्टिट्यूट ऑफ मॅनेजमेंट नागपूरमध्ये कनिष्ठ कार्यकारी-आयसीटी आणि ई-संसाधन (Junior Executive – ICT and E-Resources)अंतर्गत पदे भरली जाणार आहेत. या पदासाठी अर्ज करणाऱ्या उमेदवारांकडे मान्यताप्राप्त संस्थेतून IT किंवा इलेक्ट्रॉनिक्स किंवा CSE मध्ये डिग्री किंवा IT/ Electronics/ Computer Science मध्ये डिप्लोमा असणे आवश्यक आहे. उमेदवाराकडे बोलण्याचे कौशल्य असणे गरजेचे आहे. उमेदवारांना एमएस ऑफिस, एस आऊटलूक, वर्ड, पॉवर पॉईंट, एक्सेल याचे ज्ञान असणे गरजेचे आहे. उमेदवाराला आयटी/ इलेक्ट्रॉनिक्स/ कॉम्प्युटर सायन्स मध्ये ३ वर्षांचा अनुभव असणे गरजेचे आहे. तसेच आयटी/ इलेक्ट्रॉनिक्स/ कॉम्प्युटर सायन्समध्ये डिप्लोमा ५ वर्षांचा अनुभव असणे आवश्यक आहे. या पदांसाठी अर्ज करू इच्छिणाऱ्या उमेदवारांचं वय ४० वर्षांपेक्षा कमी असणे आवश्यक आहे. कनिष्ठ कार्यकारी-आयसीटी आणि ई-संसाधन या पदावर निवड झालेल्या उमेदवारांना ३८ हजार ते ४० हजार पगार देण्यात येणार आहे. या पदासाठी निवड झालेल्या उमेदवारांना सर्व्हरची स्थापना, देखभाल, समस्यानिवारण- क्लाउड आणि इनहाऊस, आयसीटी खरेदी करणे, त्याची देखभाल करणे, उपकरणांचा रेकॉर्ड करणे, सॉफ्टवेअर इन्स्टॉलेशन करणे, ई-डेटाबेसचं देखभाल करणे अशी कामे करावी लागणार आहे. यासाठी उमेदवारांनी ऑनलाइन माध्यमातून अर्ज करायचा आहे. २२ ऑक्टोबर २०२१ ही अर्ज करण्याची शेवटची तारीख आहे. उमेदवारांना नोटिफिकेशनमध्ये दिलेल्या लिंकद्वारे अर्ज करता येणार आहे. २२ ऑक्टोबरनंतर आलेल्या अर्जाचा विचार केला जाणार नाही. अर्ज करण्यापुर्वी उमेदवारांनी नोटिफिकेशन काळजीपुर्वक वाचणे गरजेचे आहे. एमबीए अभ्यासक्रम नागपूरच्या इंडियन इन्स्टिट्यूट ऑफ मॅनेजमेंट (IIM Nagpur) ने वर्किंग प्रोफेशनलसाठी एमबीए अभ्यासक्रम(MBA-WP) सुरू करण्यात आला आहे. मॅनेजमेंट डिग्रीसोबतच मिड करिअर असलेल्यांच्या गरजा पूर्ण करणे आणि त्यांच्या कारकीर्दीच्या वाढीस गती देण्यास मदत करणे या अभ्यासक्रमाचा हेतू आहे. या अभ्यासक्रमात सहभागी होणाऱ्यांना विविध कौशल्ये शिकवली जाणार आहेत. यामुळे सहभागी झालेल्यांना त्यांच्या करिअरच्या मार्गावर लक्ष केंद्रित करण्यास मदत करेल. या अभ्यासक्रमाच्या पहिल्या बॅचचे वर्ग सप्टेंबर/ऑक्टोबर २०२१ मध्ये सुरू होण्याची शक्यता आहे. आठवड्यातून तीन दिवस ऑफलाइन वर्गात शिकवले जाणार आहे. सध्या करोना साथीच्या आणि सरकारी निर्बंधांमुळे वर्ग ऑनलाइन आयोजित करावे लागतील. दोन वर्षांच्या अभ्यासक्रमात किमान ७५० तासांचा अभ्यासक्रम समाविष्ट आहे. २०२१-२३ बॅचसाठी अर्ज करण्याची प्रक्रिया अधिकृत वेबसाइटवर सुरू झाली आहे. इच्छुक आणि पात्र उमेदवार संस्थेच्या अधिकृत वेबसाइट iimnagpur.ac.in ला भेट देऊन ऑनलाइन अर्ज करू शकतात.
from Career News in Marathi: Career News, मराठी Career बातम्या | Maharashtra Times https://ift.tt/3AonwvL
via nmkadda
