RRB Group D परीक्षेत उमेदवारांना मिळणाऱ्या आरक्षणाचा तपशील जाणून घ्या Rojgar News

RRB Group D परीक्षेत उमेदवारांना मिळणाऱ्या आरक्षणाचा तपशील जाणून घ्या Rojgar News

2021: रेल्वे भरती बोर्ड (RRB)द्वारे घेतल्या जाणाऱ्या ग्रुप डी भरती परीक्षेसाठी () उमेदवार गेल्या अडीच वर्षांपासून वाट पाहत आहेत.२०१९ मध्ये RRB ने १.३ लाख पदांवर भरतीची घोषणा केली होती. ज्यासाठी १.१५ कोटी उमेदवारांनी अर्ज केले होते. भरतीसाठी जाहीर केलेल्या नोटिफिकेशनमध्ये, RRB ने दिलेल्या माहितीनुसार परीक्षा २०१९ मध्येच घेतली जाईल. पण अडीच वर्षांहून अधिक काळ लोटल्यानंतरही परीक्षा होऊ शकली नाही. सध्या आपण RRB ग्रुप डी परीक्षा २०२१ मध्ये उमेदवारांना कोणत्या निकषांवर आरक्षण दिले जाईल. त्याचे तपशील जाणून घेऊया. परीक्षा 2021: या सूत्रावर दिले जाते आरक्षण भारतीय रेल्वे केंद्र सरकारच्या अखत्यारीत येते. RRB ग्रुप डी परीक्षा २०२१ मध्ये बसलेल्या उमेदवारांना केंद्र सरकारच्या नियमांनुसार आरक्षण दिले जाणार आहे. त्यानुसार ओबीसी प्रवर्गातील उमेदवारांना २७ टक्के, एससी प्रवर्गातील उमेदवारांना १५ टक्के, एसटी प्रवर्गातील उमेदवारांना ७.५ टक्के आणि आर्थिकदृष्ट्या मागासवर्गीय म्हणजेच ईडब्ल्यूएस श्रेणीतील उमेदवारांना १० टक्के आरक्षणाचा लाभ दिला जाणार आहे. उर्वरित ४० टक्के जागा अनारक्षित असणार आहेत. कॉम्प्युटर आधारित परीक्षा देशभरातील विविध झोनमध्ये १ लाख ३ हजार ७३९ ग्रुप डी पदांवर भरतीसाठी निवड प्रक्रियेअंतर्गत पहिल्या टप्प्यात बोर्डातर्फे कॉम्प्युटर आधारित परीक्षा (CBT) घेण्यात येणार आहे. यापूर्वी परीक्षा सप्टेंबर/ऑक्टोबर २०१९ मध्ये होणार होती. इतर रेल्वे परीक्षा आणि देशभरात पसरलेल्या साथीच्या आजारामुळे रेल्वे ग्रुप डीची परीक्षा अद्याप घेण्यात आलेली नाही. दुसरीकडे, रेल्वे ग्रुप डी परीक्षा २०२१ तारखेची वाट पाहणाऱ्या उमेदवारांनी परीक्षेची तारीख जाहीर करण्याच्या मागणीसाठी सोशल मीडियावर कॅम्पेन केले होते. आरआरबी ग्रुप डी भरती परीक्षा कॉम्प्युटर आधारित अर्थात सीबीटी माध्यमातून असेल. परीक्षेचा कालावधी ९० मिनिटे असून यामध्ये एकूण १०० प्रश्न विचारले जातील. प्रत्येक प्रश्नासाठी १ गुण दिला जाईल. आरआरबी ग्रुप डी सीबीटी २०२१ मध्ये निगेटीव्ह मार्किंग देखील असेल. प्रत्येक चुकीच्या उत्तरासाठी १/३ गुण कापले जातील. रेल्वे ग्रुप डी सीबीटी 2021 परीक्षेत गणित (२५ प्रश्न), सामान्य विज्ञान (२५ प्रश्न), सामान्य बुद्धिमत्ता आणि तर्क (३० प्रश्न) आणि सामान्य जागरूकता आणि चालू घडामोडी (२० प्रश्न) या विषयांमधून प्रश्न विचारले जातील.


from Career News in Marathi: Career News, मराठी Career बातम्या | Maharashtra Times https://ift.tt/3EaljpY
via nmkadda

0 Response to "RRB Group D परीक्षेत उमेदवारांना मिळणाऱ्या आरक्षणाचा तपशील जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel