TCS मध्ये ७० हजार पदवीधरांना नोकरीची संधी, अर्ज प्रक्रिया समजून घ्या Rojgar News

TCS मध्ये ७० हजार पदवीधरांना नोकरीची संधी, अर्ज प्रक्रिया समजून घ्या Rojgar News

Smart Hiring Program: टाटा कन्सल्टन्सी सर्व्हिसेस (TCS) पहिल्या चार आयटी व्यवसायांपैकी एक आहे. टाटा समूहाची ही कंपनी देशातील सर्वात मोठी भरती आणि प्रशिक्षण देणारी संस्था आहे. या आर्थिक वर्षात ऑफ-कॅम्पस हायरिंगद्वारे ७० हजार फ्रेशर्स पदवीधरांची नियुक्ती करण्याची कंपनीची योजना आहे. कॉलेज कॅम्पस प्लेसमेंटऐवजी कंपनीने आपल्या इन-हाऊस स्मार्ट हायरिंग प्रोग्रामचे उद्घाटन केले आहे. ज्याद्वारे टीसीएस या वर्षापासून विविध क्षेत्रांमध्ये फ्रेशर्सची नियुक्ती करणार असल्याचे TCS चे मुख्य कार्यकारी अधिकारी राजेश गोपीनाथन यांनी म्हटले. ऑफ कॅम्पस रोजगार दौरे कमी करुन उमेदवारांचे भरती वाढविण्यावर भर दिला जाणार आहे. हे संस्थेला गुणवत्ता बेंचमार्क म्हणून काम करण्यापासून रोखेल. कारण यापुढे कंपनी गुणवत्तेसाठी सरोगेट संस्थेवर अवलंबून राहणार नाही. टीसीएस आता उमेदवारांच्या विशिष्ट प्रतिभेवर लक्ष केंद्रित करू शकते असेही ते म्हणाले. २ नोव्हेंबरपर्यंत नोंदणी स्मार्ट भरती कार्यक्रमासाठी इच्छुक आणि पात्र उमेदवारांना २ नोव्हेंबरपर्यंत नोंदणी करावी लागेल. १९ नोव्हेंबरपासून निवड चाचणी घेतली जाईल आणि परीक्षेनंतर मुलाखतीच्या तारखा दिल्या जातील असे कंपनीने जाहीर केले आहे. TCS स्मार्ट हायरिंग अंतर्गत BCA, B.Sc (गणित, सांख्यिकी, भौतिकशास्त्र, रसायनशास्त्र, इलेक्ट्रॉनिक्स, बायो केमिस्ट्री, संगणक विज्ञान, IT), आणि B.Voc साठी CS/IT विद्यार्थ्यांसाठी वर्ष २०२०-२१ मध्ये पदवी पूर्ण केलेले आणि २०२२ मध्ये पदवी अभ्यासक्रम शिकणाऱ्या उमेदवारांना संधी देण्यात येणार आहे. TCS स्मार्ट भरती निवड प्रक्रियेदरम्यान असाधारण कामगिरी करणाऱ्या विद्यार्थ्यांना TCS Ignite - TCS च्या अद्वितीय 'सायन्स टू सॉफ्टवेअर' कार्यक्रमात सहभागी होण्याची संधी मिळेल असे कंपनीने म्हटले आहे. या कार्यक्रमात ट्रेंडिंग तंत्रज्ञानाचे प्रशिक्षण मिळेल आणि उमेदवारांसाठी एक समग्र आणि जागतिक आयटी करिअरचे दरवाजे खुले होतील असेही कंपनीने म्हटले आहे. TCS Job: स्मार्ट भरतीसाठी असा करा अर्ज टीसीएस नेक्स्ट स्टेप पोर्टलवर लॉगिन करा. नोंदणी करा आणि टीसीएस स्मार्ट भरती प्रक्रियेसाठी अर्ज करा. नवीन युझर्सनी 'Register Now' वर क्लिक करा. 'IT' कॅटेगरी निवडा. त्यानंतर तुमचे तपशील भरा आणि अर्ज सबमिट करा. 'Apply For Drive'वर क्लिक करा. तुमची परीक्षा चाचणी पद्धत निवडा (सेंटर किंवा दूरस्थ) अर्जदारांनी 'Track Your Application' वर अर्जाची स्थिती तपासणे आवश्यक आहे. स्मार्ट हायरिंग प्रोग्राममध्ये नोंदणी करतावेळी मूळ शैक्षणिक कागदपत्रे द्यावी लागतील. TCS iON तर्फे परीक्षेसंदर्भात अर्जदारांशी संपर्क साधला जाईल. अर्जदार Apply for Drive प्रक्रियेअंतर्गत परीक्षेचे चाचणी माध्यम बदलू शकत नाहीत.


from Career News in Marathi: Career News, मराठी Career बातम्या | Maharashtra Times https://ift.tt/3pf9JG1
via nmkadda

0 Response to "TCS मध्ये ७० हजार पदवीधरांना नोकरीची संधी, अर्ज प्रक्रिया समजून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel