.webp)
Advertisement
Exam: ग्रॅज्युएट अॅप्टिट्यूड टेस्ट इन इंजिनीअरिंग (GATE) म्हणजेच अर्ज फॉर्ममध्ये सुधारणा करण्याची मुदतवाढ देण्यात आली आहे. गेट परीक्षा २०२२ साठी अर्ज केलेल्या उमेदवारांनी आपला अर्ज काळजीपूर्वक तपासावा आणि त्यात काही चूक झाली असेल तर ताबडतोब दुरुस्त करण्याची सूचना देण्यात आली आहे. आयआयटी खरगपूर ने गेट २०२२ अर्ज फॉर्म दुरुस्तीची अंतिम तारीख १५ नोव्हेंबर २०२१ पर्यंत वाढविण्यात आली आहे. गेट २०२२ अर्जामध्ये सुधारणा करण्यासाठी तुम्ही खाली दिलेल्या थेट लिंकवर क्लिक करून प्रक्रिया पूर्ण करू शकता. फॉर्म दुरुस्ती लिंक गेट २०२२ वेबसाइट gate.iitkgp.ac.in वर उपलब्ध आहे. अर्जामध्ये सुधारणा करण्यासाठी उमेदवाराने लॉगिन करणे आवश्यक आहे. उमेदवारांना त्यांचा गेट २०२२ चा अर्ज फॉर्म क्रमांक आणि मागितलेल्या इतर माहितीसह लॉगिन करावे लागेल. ज्या उमेदवारांना अर्जाच्या फॉर्ममध्ये त्यांच्या वर्गात, विषयाचा पेपर, परीक्षेचे शहर किंवा इतर विभागात बदल करायचे आहेत ते बदल करू शकतात. गेट अर्जाच्या फॉर्ममध्ये दुरुस्त्या करण्यासाठी अतिरिक्त शुल्क भरावे लागेल याची उमेदवारांनी नोंद घ्यावी. या परीक्षेचे आयोजन करणाऱ्या आयआयटी खरगपूरने ४ परीक्षा केंद्रांची शहरे काढून टाकली आहेत. सोनेपत, पानिपत आणि इडुक्की अशी तीन ठिकाणची परीक्षा केंद्रे यंदा असणार नाहीत. यानुसार उमेदवारांना त्यांच्या अर्जात दुरुस्ती करण्यास सांगितली आहे. उमेदवार या परीक्षा केंद्रांच्या शहरात कोणत्याही अतिरिक्त शुल्काशिवाय बदल करू शकणार आहेत.ही परीक्षा केंद्रांची शहरे यादीतून का वगळण्यात आली त्याबाबतचे कोणतेही कारण अद्याप स्पष्ट झालेले नाही. मात्र उमेदवारांना त्यांच्या परीक्षा केंद्रांच्या पसंतीक्रमात यानुसार बदल करण्यास सांगण्यात आला आहे. अर्ज दुरुस्ती विंडो बंद होण्याआधी उमेदवारांनी परीक्षा केंद्रांच्या शहरांमध्ये बदल करायचा आहे. हा बदल करण्यास १५ नोव्हेंबरपर्यंतचा अवधी आहे. याआधी उमेदवारांना १२ नोव्हेंबरपर्यंत अर्ज दुरुस्ती करता येणार होती. उमेदवार नाव, जन्मतारीख, लिंग, प्रवर्ग, पेपर आणि अन्य तपशील यात दुरुस्ती करू शकतात. Correction Window: अशी करा सुधारणा अर्जातील दुरुस्तीसाठी उमेदवारांनी सर्वप्रथम अधिकृत वेबसाइट iitkgp.ac.in ला भेट द्या. आता नावनोंदणी क्रमांक, ईमेल आयडी आणि पासवर्ड वापरून लॉगिनवर क्लिक करा. त्यानंतर आधीच भरलेल्या अर्जावरील माहिती दुरुस्त करा. आता आवश्यक शुल्क भरा आणि 'सबमिट' टॅबवर क्लिक करा. भविष्यातील संदर्भासाठी प्रिंटआउट घ्या. सुधारणा विंडो १ नोव्हेंबर २०२१ रोजी उघडण्यात आली होती. परीक्षेचे प्रवेशपत्र ३ जानेवारी २०२२ रोजी जाहीर केले जाणार आहे. तर परीक्षा फेब्रुवारीच्या पहिल्या आठवड्यात ५,६,१२ जानेवारी आणि १२ जानेवारी २०२२ रोजी घेतली जाईल.
from Career News in Marathi: Career News, मराठी Career बातम्या | Maharashtra Times https://ift.tt/3qyaiLH
via nmkadda
