.webp)
Advertisement
IIT Delhi : आयआयटी दिल्लीने विविध पदांच्या भरतीसाठी नोकरीचे नोटिफिकेशन जाहीर केले आहे. पदासाठी लागणारी शैक्षणिक अर्हता, वयोमर्यादा, अनुभव, पगार यांचा सविस्तर तपशील नोटिफिकेशनमध्ये देण्यात आला आहे. यासाठी उमेदवारांकडून ऑनलाइन माध्यमातून अर्ज मागविण्यात आले आहेत. या अंतर्गत प्रिन्सिपल प्रोजेक्ट सायंटिस्ट (Principal Project Scientist), प्रोजेक्ट मॅनेजर (Project manager), ज्युनिअर प्रोजेक्ट अटेंडट (Junior Project Attendant)पदांची भरती केली जाणार आहे. या पदांच्या एकूण १२ रिक्त पदांवर भरती केली जाणार आहे. या पदांसाठी उमेदवारांची निवड मुलाखतीद्वारे केली जाणार आहे. या पदांसाठी अर्ज करणाऱ्या उमेदवारांना अधिकृत वेबसाइट irdrecruitment3@gmail.com वर भेट देणे गरजेचे आहे. या पदांसाठी अर्ज प्रक्रिया २ नोव्हेंबर २०२१ पासून सुरू झाली असून उमेदवारांना १६ नोव्हेंबर २०२१ पर्यंत अर्ज करता येणार आहे. शैक्षणिक पात्रता प्रिन्सिपल प्रोजेक्ट सायंटिस्ट या पदासाठी उमेदवाराकडे संबंधित विषयात पीएचडी पदवी असणे आवश्यक आहे. तर प्रोजेक्ट मॅनेजर पदासाठी उमेदवाराकडे कोणत्याही मान्यताप्राप्त विद्यापीठातून एमबीए पदवी असणे आवश्यक आहे. ज्युनिअर प्रोजेक्ट अटेंडट पदासाठी दहावी उत्तीर्ण उमेदवार अर्ज करु शकतात. अनुसूचित जाती/ अनुसूचित जमाती (ST/SC) च्या उमेदवारांना सरकारी नियमानुसार गुणांमध्ये ५ टक्के सवलत देण्यात येणार आहे. सेवानिवृत्त/निवृत्त सरकारी कर्मचाऱ्याची निवड झाल्यास त्यांचा पगार सध्याच्या आयआरडी निकषांनुसार ठरविण्यात येणार आहे. उमेदवारांनी अर्ज करण्यापूर्वी जाहीर करण्यात आलेले नोटिफिकेशन काळजीपुर्वक वाचणे गरजेचे आहे. उमेदवारांनी आपला अर्ज ई-मेलद्वारे १६ नोव्हेंबर संध्याकाळी ५ वाजेपर्यंत पाठविणे गरजेचे आहे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल. तसेच अपात्र उमेदवारांचे अर्ज स्वीकारले जाणार नाहीत.
from Career News in Marathi: Career News, मराठी Career बातम्या | Maharashtra Times https://ift.tt/3Fitwcl
via nmkadda
