Advertisement
म. टा. प्रतिनिधी, नाशिक ड्रग इन्स्पेक्टर या पदासाठीच्या ८७ जागांच्या परीक्षेची जाहिरात नुकतीच महाराष्ट्र लोकसेवा आयोगाने प्रसिद्ध केली असून, यासाठी अर्ज करण्यास ३ वर्षे अनुभवाची अट नमूद करण्यात आली आहे. ही अट रद्द करण्याची मागणी राष्ट्रवादी विद्यार्थी काँग्रेसने केली आहे. यबाबत महाराष्ट्र लोकसेवा आयोग, अन्न व औषध प्रशासन मंत्रालय, सामान्य प्रशासन विभाग यांच्याकडे पाठपुरावा करणार असल्याचे 'राविकाँ'मार्फत सांगण्यात आले. २०१८ साली ड्रग इन्स्पेक्टर पदाच्या परीक्षेबाबत निधी पांडे विरुद्ध संघ लोकसेवा आयोग खटल्यामध्ये अनुभवाची अट नियुक्तीनंतर लागू करण्याचा निर्णय दिल्ली उच्च न्यायालयाने दिला होता. त्यांनतर दिल्ली, हिमाचल प्रदेश, तामिळनाडू, राजस्थान, सिक्कीम या राज्यांनी ही अट शिथिल केली, तसेच याच धर्तीवर केंद्रीय लोकसेवा आयोगानेही (यूपीएससी) ही अट काढून टाकली. परंतु, महाराष्ट्र लोकसेवा आयोगाने मात्र ही अट कायम ठेवली आहे. त्यामुळे'राष्ट्रवादी विद्यार्थी काँग्रेसने 'चे प्रदेशाध्यक्ष सुनील गव्हाणे, प्रदेश सरचिटणीस अमोल पाटील व सर्व विभागीय उपाध्यक्षांनी ही अट शिथिल करण्याची मागणी केली आहे. महाराष्ट्रातील अन्न व औषध प्रशासन विभागात औषध निरीक्षकांचा तुटवडा आहे. सर्व फार्मसी पदवीधारक या परीक्षेची वाट पाहत असून, या अटीमुळे बहुसंख्य उमेदवारांना परीक्षेपासून वंचित रहावे लागणार आहे. पदवी असूनही या अटीमुळे विद्यार्थ्यांना परीक्षा देत नसल्यामुळे ही अट तातडीने मागे घेण्याची गरज असल्याचे राष्ट्रवादी विद्यार्थी काँग्रेसमार्फत सांगण्यात आले.
from Career News in Marathi: Career News, मराठी Career बातम्या | Maharashtra Times https://ift.tt/3pbjpjl
via nmkadda