राज्य सीईटी सेलमार्फत बी-फार्म, फार्म-डी प्रवेशप्रक्रिया सुरू Rojgar News

राज्य सीईटी सेलमार्फत बी-फार्म, फार्म-डी प्रवेशप्रक्रिया सुरू Rojgar News

म. टा. प्रतिनिधी, पुणे राज्य सामाइक प्रवेश परीक्षा कक्षाने () राज्यातील कॉलेजांमध्ये बी-फार्म आणि फार्म-डी या अभ्यासक्रमांसाठी ऑनलाइन प्रवेशप्रक्रिया सुरू झाली असून, विद्यार्थ्यांना २१ नोव्हेंबरपर्यंत अर्ज भरता येणार आहे. प्रवेशाची पहिली प्राथमिक गुणवत्ता यादी २४ नोव्हेंबरला प्रसिद्ध करण्यात येणार आहे, अशी माहिती सीईटी सेलतर्फे देण्यात आली आहे. एमएचटी - सीईटी परीक्षेचा निकाल काही दिवसांपूर्वी जाहीर झाला आहे. त्यानंतर प्रवेश प्रक्रियांना सुरूवात झाली आहे. बी-फार्म आणि फार्म-डी अभ्यासक्रमांना प्रवेश घेण्यासाठी परीक्षांमध्ये मिळालेल्या गुणांच्या आधारे विद्यार्थ्यांचे प्रवेश होणार आहे. विद्यार्थ्यांना सीईटीमध्ये नॉन-झिरो गुण असणे आवश्यक आहे. या दोन्ही अभ्यासक्रमांना प्रवेश घेण्यासाठी इच्छुक असणाऱ्या विद्यार्थ्यांनी या वेबसाइटवर जाऊन नोंदणी करायची आहे. विद्यार्थ्यांना १२ ते २१ नोव्हेंबर दरम्यान ऑनलाइन अर्ज भरायचा आहे. तर, १२ ते २२ नोव्हेंबर या कालावधीत जवळच्या फॅसिलिटेशन सेंटरवर जाऊन कागदपत्रांची पडताळणी करून कर्न्फर्मेशन करायचे आहे. ही प्रकिया पूर्ण झाल्यानंतर प्रवेशासाठी आवश्यक असणारी पहिली प्राथमिक गुणवत्ता यादी २४ नोव्हेंबर रोजी प्रकाशित करण्यात येणार आहे. या यादीबाबत विद्यार्थ्यांना आक्षेप नोंदवायचे असल्यास २५ ते २७ नोव्हेंबर दरम्यान नोंदवावेत. त्यानंतर अंतिम गुणवत्ता यादी आणि प्रवेशासाठीच्या २८ नोव्हेंबरला प्रसिद्ध करण्यात येणार आहे. या जागांनुसार विद्यार्थ्यांना २९ नोव्हेंबर ते १ डिसेंबर या कालावधीत कॉलेजांचे प्राधान्य क्रम भरता येईल. प्रवेशाची पहिली यादी ३ डिसेंबर रोजी जाहीर करण्यात येणार असून, त्यानुसार विद्यार्थ्यांना एआरसी सेंटरवर जाऊन ४ ते ६ डिसेंबर या कालावधीत प्रवेश निश्चित करायचे आहेत, असे सीईटी सेलचे आयुक्त आर. एस. जगताप यांनी परिपत्रकाद्वारे सांगितले. सहा डिसेंबरपासून कॉलेज सुरू प्रवेशप्रक्रियेच्या पुढील फेऱ्या, पात्रता, नियमावली; तसेच प्रवेशाची संपूर्ण माहिती विद्यार्थ्यांना 'सीईटी सेल'च्या www.mahacet.org या वेबसाइटवर मिळेल. प्रवेशित विद्यार्थ्यांचे कॉलेज सहा डिसेंबरपासून सुरू होणार आहे, तर प्रवेशाची अंतिम तारीख २३ डिसेंबर आहे, असे 'सीईटी सेल'ने सांगितले.


from Career News in Marathi: Career News, मराठी Career बातम्या | Maharashtra Times https://ift.tt/3kAbMBj
via nmkadda

0 Response to "राज्य सीईटी सेलमार्फत बी-फार्म, फार्म-डी प्रवेशप्रक्रिया सुरू Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel