.webp)
Advertisement
दिल्लीतल्या शाळा-कॉलेज कधी सुरू होणार या चिंतेत असणाऱ्या पालकांसाठी दिल्ली सरकारने महत्त्वाची घोषणा केली आहे. सरकारने हवेच्या प्रदूषणामुळे बंद असलेले शाळा-कॉलेज पुन्हा उघडण्याची घोषणा केली आहे. यानुसार आता पुढील आठवड्यापासून म्हणजेच २९ नोव्हेंबर २०२१ पासून शाळा-कॉलेज सुरू होणार आहे. यासंबंधी २४ नोव्हेंबर २०२१ रोजी झालेल्या बैठकीत पर्यावरण मंत्री गोपाल राय यांनी माहिती दिली होती की दिल्लीतली महाविद्यालये २९ नोव्हेंबर २०२१ पासून पुन्हा उघू शकतात. त्यांनी म्हटलं होतं की राजधानीत वायुच्या गुणवत्तेत आता सुधारणा होत आहे. त्यामुळे राज्यातील कॉलेज, शाळा पुढील आठवड्यापासून पुन्हा उघडणार आहेत. मुख्यमंत्री अरविंद केजरीवाल यांच्या नेतृत्वाखालील आम आदमी पार्टीची राज्यातील वायू प्रदूषणाच्या पार्श्वभूमीवर आढावा बैठक झाली. त्यात पुढील आठवड्यापासून शाळा महाविद्यालये उघडण्याचा निर्णय झाला. दिल्लीतील वाढत्या वायू प्रदूषणाच्या पार्श्वभूमीवर मुख्यमंत्री अरविंद केजरीवाल यांनी १३ नोव्हेंबरला घोषणा केली होती की १६ नोव्हेंबर पासून पुढील आठवडाभरासाठी सर्व शाळा बंद राहतील. त्यानंतर दुसऱ्याच दिवशी १४ नोव्हेंबर रोजी हरयाणा सरकारने गुरुग्राम, फरिदाबाद, झज्जर आणि सोनीपत येथील शाळा बंद करण्याची घोषणा केली होती. पुढी आदेशापर्यंत शाळा बंदच राहतील असा निर्णय घेण्यात आला. पण आता सरकारने शैक्षणिक संस्था उघडण्याचा निर्णय घेतला आहे. दरम्यान, तत्पूर्वी पालकांनी देखील दिल्ली सरकारकडे शाळा-महाविद्यालये उघडण्याची मागणी केली होती. पालकांनी, उप-राज्‍यपाल, मुख्यमंत्री, उपमुख्‍यमंत्री, पर्यावरण आणि आरोग्य मंत्र्यासह प्रमुख अधिकाऱ्यांना पत्र लिहून शाळा लवकरात लवकर उघडण्याची मागणी केली होती. करोना महामारीच्या पार्श्वभूमीवर आधीच २० महिने शाळा, महाविद्यालये बंद होती. परिणामी आता तरी शाळा महाविद्यालये उघडल्या जाव्यात, अशी मागणी पालकांनी केली होती.
from Career News in Marathi: Career News, मराठी Career बातम्या | Maharashtra Times https://ift.tt/3DRTeUE
via nmkadda
