आयटीआयमध्ये प्रवेश घेऊ इच्छिणाऱ्यांना आणखी एक संधी; प्रवेशांसाठी मुदतवाढ Rojgar News

आयटीआयमध्ये प्रवेश घेऊ इच्छिणाऱ्यांना आणखी एक संधी; प्रवेशांसाठी मुदतवाढ Rojgar News

iti 2021: आयटीआयमध्ये प्रवेश घेऊ इच्छिणाऱ्यांसाठी महत्वाची अपडेट आहे. ज्या उमेदवारांना अद्याप आयटीआयमध्ये प्रवेश घेता आला नाही त्यांच्यासाठी आणखी एक संधी देण्यात आली आहे. प्रवेशांसाठी मुदतवाढ दिल्याचे नोटिफिकेशन व्यवसाय शिक्षण व प्रशिक्षण संचालनालयाने जाहीर केले आहे. प्रशिक्षण महासंचालनालय, नवी दिल्लीतर्फे थर्ड शिफ्टमधील बॅचेसना तुकड्यांना प्रवेशाची परवानगी देण्यात आली आहे. तसेच प्रवेशाची अंतिम तारीख ३० नोव्हेंबर २०२१ पर्यंत वाढविण्यात आली. दिलेल्या मुदतीत प्रवेश अर्ज सादर करु न शकलेल्या उमेदवारांनासाठी महत्वाची बातमी आहे. या उमेदवारांना समुपदेशन फेरीत संधी उपलब्ध करुन देण्यासाठी ऑनलाईन पध्दतीने नव्याने प्रवेश अर्ज भरणे, अर्जात दुरूस्ती (Edit) करणे आणि प्रवेश अर्ज शुल्क भरण्याच्या सुविधेला मुदतवाढ देण्यात आली आहे. उमेदवारांना ११ नोव्हेंबर ते १५ नोव्हेंबर २०२१ पर्यंत ही प्रक्रिया पूर्ण करता येणार आहे. त्यानंतर गुणवत्ता यादी १६ नोव्हेंबर २०२१ रोजी प्रकाशित करण्यात येणार असल्याची माहिती देण्यात आली आहे. नव्याने अर्ज केलेल्या उमेदवारांना १७ नोव्हेंबरपासून अधिकृत वेबसाइवरील 'नोटिफिकेशन'मध्ये मध्ये दिलेल्या प्रवेश वेळापत्रकाप्रमाणे संबंधीत संस्थेत संस्थास्तरीय काऊन्सेलिंग फेरीसाठी उपस्थित रहावे लागणार आहे. प्रवेशासाठी इच्छुक आणि नोंदणीकृत उमेदवारांना १९ ऑक्टोबर रोजी संबंधित औद्योगिक प्रशिक्षण संस्थेत सकाळी ८ ते ११ वाजेपर्यंतत व्यक्तिश: हजर राहुन काऊन्सेलिंग फेरीसाठी हजेरी नोंदवावी लागणार आहे. या उमेदवारांची हजेरी दुपारी १ वाजेपर्यंत वेबसाइटवर नोंदविली जाणार आहे. तसेच याचवेळी गुणवत्ता यादी तयार करुन प्रकाशित केली जाणार आहे. तयार केलेल्या यादीनुसार उमेदवारांना काऊन्सेलिंगसाठी बोलावण्यात येणार आहे. प्रवेशासाठी उपलब्ध जागा, उमेदवारांची मागणी, उमेदवारांची अर्हता या आधारावर प्रवेशाच्या जागांचे वाटप केले जाणार आहे. मूळ कागदपत्रांच्या पडताळणीनंतर संबंधित औद्योगिक प्रशिक्षण संस्थेत प्रवेश निश्चित केला जाईल. उमेदवारांनी त्याच दिवशी प्रवेश निश्चित न केल्यास ती जागा दुसऱ्या दिवशी रिक्त समजून प्रवेशासाठी खुली केली जाणार आहे. दरम्यान खासगी औद्योगिक प्रशिक्षण संस्थोतील प्रवेश ७ सप्टेंबरपासून सुरु झाले असून ३० नोव्हेंबर २०२१ ही प्रवेशाची शेवटची तारीख आहे.


from Career News in Marathi: Career News, मराठी Career बातम्या | Maharashtra Times https://ift.tt/3kst0QS
via nmkadda

0 Response to "आयटीआयमध्ये प्रवेश घेऊ इच्छिणाऱ्यांना आणखी एक संधी; प्रवेशांसाठी मुदतवाढ Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel