इंडियन कोस्ट गार्डमध्ये भरती, प्रवेशपत्र येथे करा डाऊनलोड

इंडियन कोस्ट गार्डमध्ये भरती, प्रवेशपत्र येथे करा डाऊनलोड

ICG Admit Card 2021: भारतीय तटरक्षक दलाने ( Recruitment) सहाय्यक कमांडंट भरती परीक्षेसाठी प्रवेशपत्र ( Exam Admit Card) जाहीर केले आहे. या परीक्षेसाठी अर्ज केलेल्या उमेदवारांना अधिकृत वेबसाइट- joinindiancoastguard.gov.in वर जाऊन प्रवेशपत्र डाउनलोड करता येणार आहे. असिस्टंट कमांडंट (Assistant Commandant Batch ) या पदावरील भरतीसाठी अर्ज प्रक्रिया ६ डिसेंबर २०२१ पासून सुरू झाली. भारतीय तटरक्षक दलाने जाहीर केलेल्या नोटिफिकेशन ग्रुप ए अंतर्गत सहाय्यक कमांडंटच्या एकूण ५० पदांची भरती केली जाणार आहे. उमेदवारांकडून १७ डिसेंबर २०२१ पर्यंत ऑनलाइन माध्यमातून अर्ज मागविण्यात आले होते. परीक्षेला बसलेले उमेदवार अधिकृत वेबसाइटवर उपलब्ध असलेल्या नोटिफिकेशनद्वारे परीक्षेचा संपूर्ण तपशील तपासू शकतात. ICG Admit Card 2021: असे करा डाऊनलोड प्रवेशपत्र डाउनलोड करण्यासाठी, सर्वप्रथमअधिकृत वेबसाइट joinindiancoastguard.gov.in वर जा. वेबसाइटच्या होमपेजवरील डाउनलोड सेक्शनवर क्लिक करा. आता ई-अॅडमिट कार्ड प्रिंट करण्यासाठी FETCH DETAILS च्या लिंकवर जा. सहाय्यक कमांडंट ०२/२०२२ बॅच या लिंकवर क्लिक करा. आता उमेदवार त्यांचा नोंदणी क्रमांक आणि पासवर्ड किंवा जन्मतारीख भरा यानंतर प्रवेशपत्र स्क्रीनवर दिसेल. प्रवेशपत्र डाउनलोड करा आणि भविष्यातील उपयोगासाठी प्रिंट आउट घ्या. या भरती प्रक्रियेद्वारे, भारतीय तटरक्षक दलात एकूण ५० रिक्त पदांची भरती केली जाणार आहे. ज्यामध्ये जनरल ड्युटीची ३० पदे, कमर्शियल पायलटची १० पदे, टेक्निकल (इंजिनिअरिंग) ६ पदे आणि टेक्निकल (इलेक्ट्रिकल) ४ पदांचा समावेश आहे. जनरल ड्यूटी आणि टेक्निकल ब्रांचसाठी, उमेदवाराचा जन्म १ जुलै १९९७ ते ३० जून २०२१ दरम्यान झालेला असावा. तर व्यावसायिक पायलट प्रवेशासाठी, उमेदवाराचा जन्म १ जुलै १९९७ ते ३० जून २००३ दरम्यान झालेला असावा. भारतीय तटरक्षक भरतीसाठी उमेदवारांना गुणवत्तेच्या आधारावर निवडले जाणार आहे. उमेदवारांची प्राथमिक परीक्षा होईल. त्यानंतर अंतिम निवड केली जाईल. जनरल ड्युटी ब्रांचमधील भरतीसाठी, उमेदवाराकडे मान्यताप्राप्त विद्यापीठातून किमान ६० टक्के गुणांसह बॅचलर पदवी असणे आवश्यक आहे. तसेच उमेदवाराने गणित आणि भौतिकशास्त्र विषयांसह बारावी किंवा समकक्ष परीक्षा उत्तीर्ण केलेली असावी. व्यावसायिक पायलट प्रवेशासाठी, उमेदवार ६० टक्के गुणांसह बारावी उत्तीर्ण असावा. याशिवाय, उमेदवाराकडे डीजीसीएने जाहीर केलेला वैध व्यावसायिक पायलट परवाना असावा. तसेच टेक्निकल (इंजिनीअरिंग आणि इलेक्ट्रीकल) ब्रांचसाठी उमेदवाराकडे इंजिनीअरिंग डिग्री असणे आवश्यक आहे. उमेदवारांना अधिकृत नोटिफिकेशनमध्ये तपशील मिळू शकणार आहे.


source https://maharashtratimes.com/career/career-news/icg-admit-card-2021-indian-coast-guard-assistant-commandant-recruitment-exam-admit-card-released/articleshow/88544427.cms

0 Response to "इंडियन कोस्ट गार्डमध्ये भरती, प्रवेशपत्र येथे करा डाऊनलोड"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel