.webp)
Advertisement
CBSE Exam: केंद्रीय माध्यमिक शिक्षण मंडळ (CBSE) टर्म १ बोर्ड परीक्षेत आणखी एक वाद निर्माण झाला आहे. यावेळी सीबीएसईच्या दहावीच्या परीक्षेत वाद पाहायला मिळत आहे. सीबीएसई दहावी टर्म १ च्या परीक्षेतील एका विषयात अभ्यासक्रमाबाहेरील प्रश्न विचारण्यात आले आहेत. यामुळे विद्यार्थ्यांचा गोंधळ उडाला. स्पॅनिश विषयाच्या परीक्षेत(CBSE 10th Spanish Exam)हा गोंधळ पाहायला मिळाला. आता स्पॅनिश विषयाची फेरतपासणी करण्याची मागणी केली जात आहे. ज्या शाळांमध्ये विद्यार्थी दहावीच्या स्पॅनिश परीक्षेला बसले होते तिथल्या शिक्षक संघटना आणि पालकांनी यासंदर्भात सीबीएसईला पत्रे लिहिली आहेत. सीबीएसई टर्म १ स्पॅनिश परीक्षेत अनेक प्रश्न अभ्यासक्रमाबाहेरचे होते. यामध्ये अनेक प्रश्नांमध्ये चुका होत्या. म्हणूनच बोर्डाने सीबीएसई इयत्ता दहावीची स्पॅनिश पुन्हा चाचणी घेतली पाहिजे अशी मागणी पत्राद्वारेकरण्यात आली आहे. शिक्षकांची प्रतिक्रिया शाळेतील एका शिक्षकाने दिलेल्या माहितीनुसार, सीबीएसई इयत्ता दहावी टर्म १ स्पॅनिश परीक्षेत (CBSE 10th Spanish question paper) एकूण ४२ प्रश्न विचारण्यात आले होते. त्यापैकी सुमारे १० ते १२ प्रश्न अभ्यासक्रमाबाहेरचे होते. हे प्रश्न सीबीएसई दहावीच्या पॅटर्नवर आधारित नव्हते. बोर्डाने दिलेल्या सॅम्पल पेपरशीही त्यांचा संबंध नव्हता. अनेक प्रश्नांमध्ये चुका होत्या आणि अनेक प्रश्नांमध्ये चुकीचे पर्याय देण्यात आले होते. परीक्षेत अभ्यासक्रमाबाहेरील प्रश्न आल्याने विद्यार्थी खूप निराश आहेत. क्वचितच त्यांना स्पॅनिशमध्ये चांगले गुण मिळतात. पण परीक्षेत आलेल्या अनेक प्रश्नांची काठीण्य पातळी त्यांच्या वर्गापेक्षा जास्त असल्याने त्यांना कमी गुण मिळू शकतात अशी प्रतिक्रिया शिक्षकांनी दिली. टर्म १ च्या परीक्षेचे गुण सीबीएसई बोर्डाच्या अंतिम निकालात जोडले जाणार आहेत. त्यामुळे एकूण टक्केवारीतही ते विद्यार्थ्यांसाठी चांगले ठरणार नसल्याचे ते म्हणाले. वेगवेगळ्या शाळांमधील स्पॅनिश शिक्षक या संदर्भात सीबीएसई बोर्डाशी बोलत आहेत. दरम्यान प्रश्नपत्रिकांच्या प्रूफरीडिंगमधील चुकांचा मुद्दाही त्यांनी उपस्थित केला आहे. सीबीएसई दहावीची स्पॅनिश परीक्षा २७ नोव्हेंबर २०२१ रोजी घेण्यात आली. म्हणजेच मुख्य विषयांच्या परीक्षा सुरू होण्यापूर्वी ही परीक्षा झाली. या परीक्षेत दिल्ली एनसीआरमधून ६०० हून अधिक विद्यार्थी बसले होते. काही दिवसांपूर्वी सीबीएसई बारावीच्या सोशल सायन्सच्या परीक्षेत विचारण्यात आलेल्या प्रश्नामुळे वाद निर्माण झाला होता. यानंतर सीबीएसई बोर्डाने चूक मान्य करत त्यावर स्पष्टीकरण दिले होते.
from Career News in Marathi: Career News, मराठी Career बातम्या | Maharashtra Times https://ift.tt/3Ew0FkL
Source https://ift.tt/310mqee
