CBSE ९वी आणि १०वीच्या नोंदणी प्रक्रियेची संपूर्ण माहिती जाणून घ्या Rojgar News

CBSE ९वी आणि १०वीच्या नोंदणी प्रक्रियेची संपूर्ण माहिती जाणून घ्या Rojgar News

9th and 10th Registration 2021-22: केंद्रीय माध्यमिक शिक्षण मंडळ अर्थात सीबीएसई बोर्डाच्या वतीने सत्र २०२१-२२ वर्षासाठी इयत्ता नववी आणि दहावीसाठी नोंदणीची प्रक्रिया १५ डिसेंबरपासून सुरू होणार आहे. विद्यार्थ्यांना सीबीएसईची अधिकृत वेबसाइट cbse.nic.in वर नोंदणीसाठी लिंक सक्रिय केली जाईल. सीबीएसईने जाहीर केलेल्या नोटिफिकेशननुसार, इयत्ता नववी आणि अकरावीची नोंदणी १५ ते ३० डिसेंबर दरम्यान करता येणार आहे. सीबीएसई बोर्डाने नोंदणीसाठी जारी केलेल्या तारखेला नोंदणी विंडो (CBSE 9th and 10th Registration 2021-22) उघडली जाईल. सीबीएसई बोर्डातर्फे वर्षभर आधीच हायस्कूल आणि इंटरमिजिएट परीक्षांची तयारी सुरु केली जाते. त्यामुळे नववी आणि अकरावीच्या मुलांची नोंदणी झाली आहे. त्यामुळे पुढील वर्षी दहावी आणि बारावीचे किती विद्यार्थी परीक्षा देतील याची कल्पना मंडळाला येत असते. त्यानुसार हायस्कूल आणि इंटरमिजिएट परीक्षांची तयारी केली जाते. सीबीएसईकडून सूचना केंद्रीय माध्यमिक शिक्षण मंडळाने (CBSE) नववी आणि दहावी नोंदणीची तारीख जाहीर करण्यापूर्वी सर्व शाळांमधील विद्यार्थ्यांची माहिती भरण्यास सांगितली आहे. यासोबतच सीबीएसईने सर्व विद्यार्थ्यांना फॉर्म भरताना काळजीपूर्वक भरण्याच्या सूचना दिल्या आहेत. करेक्शनची संधी नाही सीबीएसई बोर्डाने शाळांना योग्य डेटा अपलोड करण्याचा सल्ला दिला आहे. कारण या वर्षापासून डेटा दुरुस्तीसाठी कोणतीही विंडो उपलब्ध करुन दिली जाणार नाही. अर्ज प्रक्रियेसाठी तपशीलवार निर्देश अधिकृत वेबसाइट- cbse.nic.in वर उपलब्ध आहेत. सीबीएसईने दिलेल्या माहितीनुसार संलग्न शाळांनी विद्यार्थ्यांची ऑनलाइन सबमिशन प्रक्रिया करण्यापुर्वी स्वतःची नोंदणी करणे आवश्यक आहे. शाळांकडे आधीपासूनच असलेल्या संलग्नता क्रमांकाचा उपयोग यूजर आयडी म्हणून करावा असे सीबीएसईतर्फे सांगण्यात आले आहे. टर्म-१ परीक्षा सुरु यावेळी सीबीएसई बोर्डाच्या वतीने २०२१-२२ मध्ये प्रथमच सीबीएसईच्या दोन टर्म बोर्ड परीक्षा आयोजित केल्या जात आहेत. सध्या टर्म-१ परीक्षा सुरू आहे. सीबीएसई इयत्ता दहावीची हिंदी परीक्षा ९ डिसेंबर रोजी होत असून शेवटचा इंग्रजीचा पेपर ११ डिसेंबर रोजी घेण्यात येईल.


from Career News in Marathi: Career News, मराठी Career बातम्या | Maharashtra Times https://ift.tt/3ELcC6w
Source https://ift.tt/310mqee

0 Response to "CBSE ९वी आणि १०वीच्या नोंदणी प्रक्रियेची संपूर्ण माहिती जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel