Advertisement
(CTET) परीक्षेची तयारी करत असलेल्या उमेदवारांसाठी महत्त्वाची अपडेट आहे. केंद्रीय शिक्षक पात्रता परीक्षा, सीटीईटी 2021 (Central Teacher Eligibility Test, CTET 2021) साठी लवकरच हॉलतिकीट जारी केले जाणार आहेत. परीक्षा आयोजित करणारा बोर्ड म्हणजेच सेंट्रल बोर्ड ऑफ सेकेंडरी एज्युकेशन (Central Board of Secondary Education, CBSE) परीक्षेसाठी प्रवेश पत्र अधिकृत वेबसाइट वर आता कधीही जाहीर होईल. मीडिया रिपोर्ट्स नुसार, हॉलतिकीट या आठवड्यात जारी केलं जाऊ शकतं. जे उमेदवार ही परीक्षा देणार आहेत त्यांनी या परीक्षेच्या पोर्टलला https://ctet.nic.in/ येथे नियमित जाऊन अद्ययावत माहिती घेत राहावी. हॉलतिकिटी जारी झाल्यानंतर ते डाऊनलोड करता येईल. परीक्षा केंद्रावर जाताना अॅडमिट कार्ड सोबत नेणं आवश्यक आहे. हॉलतिकीटासह एक फोटो ओळखपत्रही उदा.- वोटर आयडी कार्ड, ड्रायव्हिंग लायसन्स, आधार कार्ड इत्यादी दाखवणं आवश्यक आहे. या ओळखपत्राशिवाय उमेदवारांना परीक्षा केंद्रात येण्यास परवानगी दिली जाणार नाी. CTET 2021 अॅडमिट कार्ड डिसेंबर २०२१ च्या पहिल्या आठवड्यात जारी केलं जाईल अशी माहिती सीटीईटीच्या माहिती पुस्तिकेत होती. परीक्षा १६ डिसेंबर २०२१ रोजी सुरू होईल आणि १३ जानेवारी २०२२ रोजी संपेल. उमेदवारांना अॅडमिट कार्डवर पेपरची तारीख आणि वेळ दिली जाईल. या परीक्षेसाठी २ पेपर आयोजित करेल. पहिला पेपर १ आणि पेपर २ असेल. प्राथमिक इयत्ता १ ली ते ५ वीपर्यंत ज्यांना शिकवायचे आहे, अशा उमेदवारांसाठी पेपर १ आणि सहावी ते आठवीचे शिक्षक होण्यासाठी ज्यांना परीक्षा द्यायची आहे त्यांच्यासाठी पेपर २ असेल. सीटीईटी परीक्षा एकूण अडीच तास कालावधीची असेल. ही परीक्षा पहिल्यांदाच ऑनलाइन पद्धतीने होणार आहे.
from Career News in Marathi: Career News, मराठी Career बातम्या | Maharashtra Times https://ift.tt/3rzlto5
Source https://ift.tt/310mqee
