.webp)
Advertisement
Mumbai and of : शिक्षणाचे आंतरराष्ट्रीयकरण करत मुंबई विद्यापीठाने महत्वाचे पाऊल उचलले आहे. आंतरविद्याशाखीय अभ्यासाच्या कक्षा रुंदावण्यासाठी व या क्षेत्रात प्रगत अभ्यास केंद्राची स्थापना करण्यासाठी मुंबई विद्यापीठ आणि म्युएन्स्टर विद्यापीठ यांच्यात शैक्षणिक सामंजस्य करार करण्यात आला. या करारान्वये विद्यापीठात ऑफ अॅडव्हान्स्ड स्टडीजची ( MMIAS) स्थापना केली जाणार आहे. मुंबई-म्युएन्स्टर इन्स्टिट्यूट ऑफ अॅडव्हान्स्ड स्टडीज या प्रगत अभ्यास केंद्रात-डायस्पोरांचे राजकीय, सामाजिक, सांस्कृतिक आणि आर्थिक मूल्य कायदा आणि साहित्य, हिंदी महासागराच्या किनारी राज्यांमध्ये सांस्कृतिक दुवे, व्यापार आणि वाणिज्य, आशियाई अभ्यास, प्रगत संशोधनाच्या ऐतिहासिक, राजकीय आणि आर्थिक पैलूंमधील इतर संबंधित क्षेत्रावर अधिक भर देण्यात आला आहे. मुंबई-म्युएन्स्टर इन्स्टिट्यूट ऑफ अॅडव्हान्स्ड स्टडीज ( MMIAS) या प्रगत अभ्यास केंद्रातील क्षेत्रांना संयुक्त परिषदा, परिसंवाद, कार्यशाळा, व्याख्यानमाला आणि प्रकाशनांद्वारे प्रोत्साहन दिले जाणार आहे. फॅकल्टी आणि रिसर्च स्कॉलर्सची देवाणघेवाण आणि फेलोशिप्सना प्रोत्साहन दिले जाईल. संयुक्त पीएच.डी. MMIAS च्या आश्रयाखाली दोन विद्यापीठांमधील पदवींनाही प्रोत्साहन दिले जाणार आहे. MMIAS ची स्थापना सुरुवातीला तीन वर्षांसाठी (२०२१-२२,२०२२-२३, २०२३-२४) ५०-५० टक्के आर्थिक भागीदारी तत्त्वावर केली जाईल. तीन वर्षानंतर दोन्ही विद्यापीठांद्वारे MMIAS च्या वैधतेचे पुनरावलोकन केले जाणार आहे. या प्रगत अभ्यास केंद्राच्या माध्यमातून अनेक संयुक्त संशोधन प्रकल्प याआधीच यशस्वीरीत्या पूर्ण झाले आहेत आणि मूळ सामंजस्य करार आणि CoHaB IDC च्या सहकार्याखाली काव्यसंग्रह आणि जर्नल्सचे विशेष अंक यांची संयुक्त प्रकाशने केली गेली आहेत. या कराराअंतर्गत मुंबई आणि म्युएन्स्टर युनिव्हर्सिटीजमधील आंतरविद्याशाखीय मुंबई-म्युएन्स्टर इन्स्टिट्यूट ऑफ अॅडव्हान्स्ड स्टडीजमध्ये अद्ययावत कंस्ट्रक्शन्स ऑफ होम अँड बेलॉन्गिंग इंडियन डायस्पोरा सेंटर (CoHaB IDC) आंतरराष्ट्रीय संयुक्त संशोधन प्रकल्प श्रेणीसुधारित केला जात आहे. हा करार दोन विद्यापीठांमध्ये २००८ मध्ये प्रथम स्वाक्षरी केलेल्या आणि दीर्घकाळ चाललेल्या सामंजस्य कराराच्या स्वरूपात असून 2013 आणि 2018 मध्ये दोनदा नूतनीकरण करण्यात आले आहे. नवीन शैक्षणिक धोरणानुसार शिक्षणाचे आंतरराष्ट्रीयकरण करण्यासाठी विद्यापीठाने टाकलेले हे महत्वाचे पाऊल आहे. एमएमआयएएस ही मुंबई विद्यापीठातील एक अनोखी संस्था म्हणून ओळखली जाणार असून, परदेशी विद्यापीठ आणि मुंबई विद्यापीठ यांच्यात स्थापन झालेली ही पहिली सहयोगी संस्था आहे. या प्रगत अभ्यास केंद्राच्या माध्यमातून संयुक्त आंतरविद्याशाखीय अभ्यासाच्या आणि संशोधनाच्या कक्षा रुंदावणार असल्याची प्रतिक्रिया मुंबई विद्यापीठाचे कुलगुरू प्रा. सुहास पेडणेकर यांनी दिली. २३ नोव्हेंबर २०२१ रोजी मु्ंबई विद्यापीठाचे कुलगुरू प्रा. सुहास पेडणेकर आणि वेस्टफॅलिशे विल्हेम्स-विद्यापीठ, म्युएन्स्टरचे रेक्टर (कुलगुरू) प्रा. जोहान्स वेसेल्स यांनी म्युएन्स्टर विद्यापीठाच्या ऐतिहासिक ऑला हॉलमध्ये या करारावर स्वाक्षरी केल्या. यावेळी या संस्थेच्या संचालिका प्रा. निलोफर भरूचा उपस्थित होत्या.
from Career News in Marathi: Career News, मराठी Career बातम्या | Maharashtra Times https://ift.tt/3Gnirr6
Source https://ift.tt/310mqee
