Omicron: मुंबईतील शाळा १५ डिसेंबरपासून सुरु ? जाणून घ्या महत्वाची अपडेट Rojgar News

Omicron: मुंबईतील शाळा १५ डिसेंबरपासून सुरु ? जाणून घ्या महत्वाची अपडेट Rojgar News

School reopening: करोनाचा प्रादुर्भाव कमी झाल्याने पहिलीपासूनच्या शाळा येत्या १५ डिसेंबरपासून सुरू करण्याचा निर्णय जाहीर झाला आहे. मात्र, सध्या मुंबईसह राज्यात ओमायक्रॉनचे रुग्ण आढळल्याने शाळांबाबत पुन्हा चर्चा सुरू झाली आहे. सध्याच्या परिस्थितीत शाळांबाबतचा निर्णय बदलण्यात आलेला नसला तरी १३ डिसेंबर रोजी संपूर्ण आढावा घेतल्यानंतरच अंतिम निर्णय घेतला जाईल, असे सोमवारी पालिकेने स्पष्ट केले. गेल्या काही महिन्यांपासून करोना नियंत्रणात येत असल्याने राज्य सरकारने शाळा सुरू करण्याचा निर्णय घेतला. यानुसार मुंबई क्षेत्रातील शाळा १५ डिसेंबरपासून सुरू करण्याचा निर्णय मुंबई पालिकेने घेतला. त्यासाठी पालिकेच्या शिक्षण विभागानेही आवश्यक ती तयारी सुरू केली. मात्र, ओमायक्रॉनचे रुग्ण सापडल्याने पुन्हा चिंता व्यक्त होऊ लागली. त्यामुळे शाळा सुरू करण्याबाबत राज्य सरकार, पालिकेकडून विशेष काळजी घेतली जात आहे. यासंदर्भात १३ डिसेंबर रोजी बैठक घेतली जाणार आहे. यामध्ये आढावा घेतल्यानंतरच शाळांबाबत निर्णय घेतला जाईल, असे अतिरिक्त पालिका आयुक्त सुरेश काकाणी यांनी स्पष्ट केले. मुंबईतील शाळा आणि विद्यार्थी संख्या मुंबई पालिका क्षेत्रातील शाळा सुरु करण्याबाबतचा निर्णय घेण्याचे अधिकार महापालिका आयुक्तांना आहे. मुंबई पालिका क्षेत्रात ८ वी ते १२ वीच्या एकूण २६४२ शाळा असून यामध्ये ८ लाख विद्यार्थी आहेत. तसेच पहिली ते सातवीच्या ३४२० शाळा असून यामध्ये साधारण दहा लाख विद्यार्थी आहेत. महानगरपालिकेच्या एकूण ११५९ शाळा असून ४५० इमारती आहेत. यामध्ये एकूण २ लाख ९२ हजार विद्यार्थी शिक्षण घेत आहेत. मुंबई पालिकेअंतर्गत येणाऱ्या सर्व मॅनेजमेंट आणि सर्व माध्यमांच्या शाळांमध्ये एकूण ६० हजार कर्मचारी संख्या आहे. यातही ८२ टक्के कर्मचाऱ्यांचे लसीकरण झाले आहे. मुंबईप्रमाणेच पुण्यातही (Pune Municipal Corporation) आता १५ डिसेंबरनंतर पहिलीच्या वर्गापासून शाळा सुरू करण्याबाबत निर्णय घेण्यात येणार आहे.. यासंदर्भात महापौर मुरलीधर मोहोळ आणि पुणे महापालिका आयुक्त विक्रम कुमार यांच्यात बैठक झाली. १५ डिसेंबरनंतर पुण्यात शाळा सुरू करण्याचा निर्णय घेण्यात येईल, असे या बैठकीत ठरले. पुणे मनपा हद्दीतील इयत्ता पहिली ते चौथीपर्यंतच्या शाळा १५ डिसेंबरपर्यंत बंदच राहणार आहेत. पुणे मनपा हद्दीतील इयत्ता पहिली ते सातवीपर्यंतच्या शाळा १५ डिसेंबरपर्यंत बंदच ठेवण्याचा निर्णय आपण घेतला असून १५ डिसेंबरला एकूणच आढावा घेऊन पुढील निर्णय जाहीर केला जाईल अशी प्रतिक्रिया महापौर मुरलीधर मोहोळ यांनी दिली. मार्गदर्शक सूचना शाळा सुरू करण्यापूर्वी आरोग्य, स्वच्छता आणि इतर सुरक्षाविषयक उपाययोजनांना प्राधान्य देण्यात आले आहे. या मार्गदर्शक सूचनांनुसार संबंधित शाळेतील शिक्षक/ शिक्षकेतर कर्मचाऱ्यांचे कोविड लसीकरण (दोन लसी) झालेल्यांनाच शाळा/ कार्यालयामध्ये प्रवेश देण्यात यावा. सर्व शिक्षक व शिक्षकेतर कर्मचाऱ्यांनी कोविड-१९ साठीची ४८ तासापूर्वीची आरटीपीसीआर चाचणी करावी. विद्यार्थ्यांचे नाक व तोंड मास्कने पूर्णत: झाकलेले असले पाहिजे याबाबत विद्यार्थ्यांना सातत्याने सांगावे. शाळेतील परिपाठ, स्नेह संमेलन व इतर तत्सम कार्यक्रम ज्यामुळे अधिक गर्दी होऊ शकते अथवा स्पर्श होईल अशा कार्यक्रमांच्या आयोजनावर कडक निर्बंध असेल. शिक्षक-पालक बैठका देखील शक्यतो ऑनलाईन घ्याव्यात. शाळेत हात धुण्यासाठी सुविधा उपलब्ध करून द्याव्यात. वर्गामध्ये एका बाकावर एक विद्यार्थी याप्रमाणे बैठक व्यवस्था असावी. विद्यार्थ्यांनी शाळेत उपस्थित राहण्यापूर्वी त्यांच्या पालकांची संमती आवश्यक असणार आहे.


from Career News in Marathi: Career News, मराठी Career बातम्या | Maharashtra Times https://ift.tt/3prvAIM
Source https://ift.tt/310mqee

0 Response to "Omicron: मुंबईतील शाळा १५ डिसेंबरपासून सुरु ? जाणून घ्या महत्वाची अपडेट Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel