PCMC Recruitment 2021: पिंपरी चिंचवड पालिकेत भरती, जाणून घ्या तपशील

PCMC Recruitment 2021: पिंपरी चिंचवड पालिकेत भरती, जाणून घ्या तपशील

PCMC Recruitment 2021: पिंपरी-चिंचवड महानगरपालिकेच्या अंतर्गत विविध पदांची भरती केली जाणार आहे. याअंतर्गत आरोग्य विभागाच्या आस्थापनेवर विविध पदांच्या एकूण १३१ जागा भरण्यात येणार आहेत. यासाठी नोटिफिकेशन जाहीर करण्यात आले आहे. पदासाठी लागणारी शैक्षणिक अर्हता, वयोमर्यादा, पगार, मुलाखतीचा पत्ता याचा सविस्तर तपशील नोटिफिकेशनमध्ये देण्यात आला आहे. या पदभरतीसाठी ऑनलाइन भरतीच्या माध्यमातून उमेदवारांची निवड केली जाणार आहे. एक्स रे सायन्टिस्ट (X-ray scientist,), टी. बी. & चेस्ट फिजिशियन (T. B. & Chest Physician), वैद्यकीय अधिकारी (Medical Officer), स्टाफ नर्स (Staff Nurse), सांख्यिकी सहायक (Statistical Assistant), प्रयोगशाळा तंत्रज्ञ (Laboratory Technician), एक्स रे टेक्निशियन (X-Ray Technician), फार्मासिस्ट आणि एएनएम (Pharmacist & ANM) पदाच्या जागा भरल्या जाणार आहेत. पदासाठी लागणारी शैक्षणिक पात्रता नोटिफिकेशनमध्ये देण्यात आली आहे. पुढील लिंकवरुन ते डाऊनलोड करता येणार आहे. या पदभरतीसाठी सरकारी नियमानुसार आरक्षण देण्यात येणार आहे. मागास/ अनाथ प्रवर्गासाठी उमेदवारांसाठी १५० रुपये अर्ज शुल्क भरावा लागणार आहे. तर खुल्या प्रवर्गासाठी उमेदवारांना ३०० रुपये अर्ज शुल्क भरावा लागणार आहे. या पदासाठी इच्छुक आणि पात्र उमेदवारांनी अधिकृत वेबसाइट www.pcmcindia.gove.in वर अर्ज करायचा आहे. यासाठी अर्ज प्रक्रिया ११ डिसेंबरपासून सुरु झाली असून दिनांक ३० डिसेंबर २०२१ पर्यंत ऑनलाईन पद्धतीने अर्ज करता येणार आहे. उमेदवारांना मुलाखतीसाठी/लेखी परीक्षेसाठी स्वखर्चाने यावे लागेल. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या. माजी सैनिक सहयोगी आरोग्य योजनेत विविध पदांची भरती माजी सैनिक सहयोगी आरोग्य योजनेअंतर्गत विविध पदांच्या जागा भरल्या जाणार आहेत. याअंतर्गत वैद्यकीय अधिकारी, स्त्रीरोग तज्ञ, नर्सिंग सहाय्यक, लॅब असिस्टंट, लिपिक, महिला अटेंडण्ड, शिपाई आणि सफाईवाला ही पदे भरली जाणार आहेत. मुंबई पॉलिक्लिनिक आणि महाड पॉलिक्लिनिक ही पदे भरली जाणार आहेत. या भरतीमध्ये माजी सैनिकांना प्राधान्य देण्यात येणार आहे. मेडीकल आणि पॅरा मेडीकल स्टाफकरीता कॉम्प्युटरचे ज्ञान असणे आवश्यक आहे. उमेदवारांनी महत्वाच्या कागदपत्रांच्या प्रिंट सेल्फ अटेस्टेड करुन पाठवायच्या आहेत.पदभरतीचा सविस्तर तपशील अधिकृत वेबसाइटवर देण्यात आला आहे. दिनांक ३१ डिसेंबर २०२१ ही अर्ज करण्याची शेवटची तारीख आहे. इच्छुक आणि पात्र उमेदवारांनी आपले अर्ज प्रभारी अधिकारी स्टेशन मुख्यालय ईसीएचएस,आयएनएस, आंग्रे, एसपीएस रोड, मुंबई, पिनकोड- ४०००२३ या पत्त्यावर पाठवायचे आहेत. याच पत्त्यावर उमेदवारांची मुलाखत होणार आहे.


source https://maharashtratimes.com/career/career-news/pcmc-recruitment-2021-various-posts-vacant-on-the-establishment-of-pimpri-chinchwad-municipal-corporation/articleshow/88271161.cms

0 Response to "PCMC Recruitment 2021: पिंपरी चिंचवड पालिकेत भरती, जाणून घ्या तपशील"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel