Advertisement
NET : नॅशनल टेस्टिंग एजन्सी (NTA) ने (UGC NET) परीक्षेच्या दुसऱ्या टप्प्यासाठी प्रवेशपत्र जाहीर केले आहे. २४ ते २७ डिसेंबर दरम्यान होणाऱ्या परीक्षेचे प्रवेशपत्र अधिकृत वेबसाइट ugcnet.nta.nic.in वर पाहता येणार आहे. या वेळापत्रकानुसार बंगाली ग्रुप I आणि II, कन्नड, हिंदी ग्रुप I आणि II, संस्कृत आणि गृहविज्ञान परीक्षांच्या वेळेचा तपशील देण्यात आहे. उर्वरित पेपर्सचे प्रवेशपत्र लवकरच जाहीर केले जाणार आहे. या परीक्षेला बसलेले उमेदवार अधिकृत वेबसाइटवर अर्ज क्रमांक आणि जन्मतारीख तपशील भरुन प्रवेशपत्र डाउनलोड करू शकतात. बातमीखाली याची थेट लिंक देण्यात आली आहे. UGC 2021 Admit Card: असे करा डाऊनलोड यूजीसी नेट परीक्षा प्रवेशपत्र डाउनलोड करण्यासाठी, सर्वप्रथम अधिकृत वेबसाइट ugcnet.nta.nic.in वर जा. त्यानंतर होमपेजवरील यूजीसी नेट २०२१ (UGC NET 2021) प्रवेशपत्र डाउनलोड या लिंकवर क्लिक करा. तुमचा नोंदणी क्रमांक आणि पासवर्ड टाका आणि सबमिट करा. त्यानंतर तुमच्या लॉगिन विंडोमधून प्रवेशपत्र डाउनलोड करा. त्याची प्रिंट काढा आणि भविष्यातील संदर्भासाठी जपून ठेवा. प्रवेशपत्रामध्ये शिफ्टच्या वेळा, परीक्षा केंद्रे आणि करोना संसर्गाबाबत पाळल्या जाणार्या मार्गदर्शक तत्त्वांची माहिती देण्यात आली आहे. उमेदवारांनी हॉल तिकिटावर दिलेला तपशील नीट वाचून परीक्षा केंद्रावर पोहोचण्याची सूचना देण्यात आली आहे. प्रवेशपत्राची छापील प्रत सोबत फोटो ओळखपत्राची प्रिंट परीक्षा केंद्रावर घेऊन जाणे बंधनकारक असणार आहे.
source https://maharashtratimes.com/career/career-news/ugc-net-admission-admit-card-declaired-ugc-net-exam-to-be-held-between-24th-to-27th-december-announced/articleshow/88410982.cms