जालना महापारेषण प्रशासकीय विभागात भरती, जाणून घ्या तपशील

Advertisement

Jalana Recruitment: जालना येथील महाराष्ट्र राज्य विद्युत वितरण कंपनीमध्ये विविध पदांची भरती केली जाणार आहे. यासंदर्भात जालना महापारेषणतर्फे अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. यासाठी ऑनलाईन माध्यमातून अर्ज मागविण्यात आले आहेत. जालना (महापारेषण) यांच्या प्रशासकीय विभागात प्रशिक्षणार्थी (विजतंत्री) (Trainee, Electrocution)पदांच्या एकूण २९ जागा भरण्यात येणार आहेत. वीजतंत्री पदाचा कालावधी १ वर्षाचा असणार आहे. या पदासाठी इच्छुक आणि पात्र उमेदवारांनी ३१ जानेवारी २०२२ पर्यंत ee2170mahatransco@gmail.com येथे अर्ज पाठवायचा आहे. दहावी आणि आयटीआय उत्तीर्णच्या आधारे गुणवत्ता यादी तयार केली जाणार आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. एखाद्या प्रवर्गाचा उमेदवार उपलब्ध न झाल्यास गुणवत्तेनुसार प्रवर्गाचा विचार न करता ते पद भरले जाईल. कॉन्ट्रॅक्ट रजिस्ट्रेशन झाल्याशिवाय कोणताही उमेदवार शिकाऊ उमेदवारीस पात्र ठरणार नाही. ३१ जानेवारी रोजी उमेदवाराचे वय १८ वर्षांपेक्षा कमी आणि ३८ वर्षांपेक्षा जास्त नसावे. आरक्षित वर्गातील उमेदवारांना यातून ५ वर्षांची सवलत देण्यात येईल. इच्छुक उमेदवारांनी आपले अर्ज ३१ जानेवारीपर्यंत ११.५९ पर्यंत पाठवायचे आहेत. पदभरतीच्या नोटिफिकेशनसोबत अर्जाचा नमुना देण्यात आला आहे. त्यानुसार अर्ज भरायचा आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

source https://maharashtratimes.com/career/career-news/jalana-recruitment-various-post-vacant-in-jalna-mahapareshan-administrative-department/articleshow/89031788.cms