.webp)
Advertisement
ICMR : राष्ट्रीय प्रजनन स्वास्थ्य अनुसंधान संस्थेतर्फे (ICMR-National Institute for Research) राज्यभरात विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. यासाठी ऑनलाइन माध्यमातून अर्ज मागविण्यात आले आहेत. आयसीएमआर भरती अंतर्गत फिल्ड वर्कर (Field Worker)आणि प्रोजेक्ट असिस्टंट (Project Assistant-District Coordinator) ही पदे भरली जाणार आहेत. मुंबई, रायगड, पुणे आणि नांदेड येथील विविध विभांगासाठी ही भरती होणार आहे. फिल्ड वर्कर फिल्ड वर्कर पदासाठी उमेदवारा विज्ञान शाखेतून बारावी पास असणे आवश्यक आहे. यासोबतच बॅचलर ऑफ सोशल वर्क किंवा पॅरा मेडिकल वर्क किंवा संबंधित संस्थांमधील कामाचा १ वर्षाचा अनुभव असणे गरजेचे आहे. यासोबत फिल्डवर्कचा २ वर्षांचा अनुभव असावा. बीएससी डिग्री असेल तर ३ वर्षांचा अनुभव ग्राह्य धरला जाईल. उमेदवाराला डेटा कलेक्शन, ऑनलाइन डेटा एन्ट्री आणि कॉम्प्युटर अॅप्लीकेशन यासोबतच आदिवासी भागात काम करण्याचा अनुभव, मराठी लिखाण आणि संभाषण येणे आवश्यक आहे. या पदाचा कालावधी १ वर्षांचा असेल. त्यानंतर याला मुदतवाढ दिली जाऊ शकते. या पदासाठी निवड झालेल्या उमेदवारांना दरमहा १८ हजार रुपये पगार दिला जाईल. प्रोजेक्ट असिस्टंट प्रोजेक्ट असिस्टंट पदासाठी उमेदवाराकडे मान्यताप्राप्त संस्थेतून ग्रॅज्युएशन आणि मान्यताप्राप्त संस्थेतील ३ वर्षांचा अनुभव असणे आवश्यक आहे. किंवा सायन्स/पब्लीक हेल्थमधील मास्टर डिग्री असणे गरजेचे आहे. उमेदवाराकडे पब्लीक हेल्थ सिस्टिमचा १ वर्षाचा अनुभव, डेटा कलेक्शन, ऑनलाइन डेटा एन्ट्री आणि कॉम्प्युटर अॅप्लीकेशनची माहिती असावी. मराठी लिहिता, वाचता आणि बोलता येणे गरजेचे आहे. या पदासाठी ३० वर्षे इतकी वयोमर्यादा आहे. या पदाचा कालावधी १ वर्षाचा असणार आहे. या पदासाठी निवड झालेल्या उमेदवारांना ३१ हजारपर्यंत पगार दिला जाईल. उमेदवारांनी https://ift.tt/3l9SV0V या लिंकवर जाऊन अर्ज करायचा आहे. आलेल्या अर्जातून शॉर्टलिस्ट केलेल्या उमेदवारांना थेट मुलाखतीसाठी बोलावण्यात येणार आहे. उमेदवारांना २४ जानेवारीपर्यंत अर्ज करता येणार आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
source https://maharashtratimes.com/career/career-news/icmr-recruitment-job-opportunities-for-hsc-graduate-candidates-in-icmr-nirrh/articleshow/88894314.cms
