Deoxa Indonesian Channels
Best Viral news Website

Label

lisensi

Advertisement

Advertisement
गुरुवार, २७ जानेवारी, २०२२, जानेवारी २७, २०२२ WIB
Last Updated 2022-01-27T07:00:32Z
Rojgar

MPSC Recruitment: पीएससी ग्रुप सी भरतीच्या अर्ज प्रक्रियेला मुदतवाढ

Advertisement
Group C : महाराष्ट्र लोकसेवा आयोगाने (MPSC) महाराष्ट्र ग्रुप सी पदांसाठी जाहीर केलेल्या रिक्त जागांच्या अर्ज प्रक्रियेला मुदतवाढ देण्यात आली आहे. त्यामुळे महाराष्ट्रातील सरकारी नोकरीच्या शोधात असलेल्या तरुणांना आणखी एक संधी आहे. महाराष्ट्र लोकसेवा आयोगाने जारी केलेल्या सूचनेनुसार, आता उमेदवार २ फेब्रुवारीपर्यंत या रिक्त पदांसाठी अर्ज करू शकतील. याआधी एमपीएससीच्या रिक्त पदांसाठी ११ जानेवारी २०२२ पर्यंत अर्ज करण्यात येणार होता. महाराष्ट्र ग्रुप सीच्या रिक्त पदासाठी अर्ज प्रक्रिया (MPSC Group C 2021) २२ डिसेंबर २०२१ पासून सुरु झाली आहे. महाराष्ट्रातील सरकारी नोकरीसाठी इच्छुक असलेले उमेदवार ( 2022) या पदासाठी अर्ज करू शकतात. अर्ज करण्यासाठी उमेदवारांना एमपीएससीची अधिकृत वेबसाइट mpsc.gov.in वर जाऊन ऑनलाइन माध्यमातून अर्ज करावा लागेल. महाराष्ट्र लोकसेवा आयोगाने जाहीर केलेल्या या रिक्त पदांद्वारे एकूण ९०० पदांची भरती केली जाणार आहे. MPSC Group C Recruitment 2021: असा करा अर्ज स्टेप्स १: अर्ज भरण्यासाठी सर्वप्रथम अधिकृत वेबसाइट- mpsc.gov.in वर जा. स्टेप २: होमपेजवरील ऑनलाइन अॅप्लिकेशन पोर्टलच्या लिंकवर जा. स्टेप ३: आता विविध ग्रुप सी पदांच्या ९०० रिक्त जागा भरण्यासाठी ऑनलाइन अर्जांच्या लिंकवर जा. स्टेप ४ : आता Apply Online च्या लिंकवर क्लिक करा. स्टेप ५: मागितलेला तपशील भरून नोंदणी करा. स्टेप ६: मिळालेल्या नोंदणी क्रमांकाच्या मदतीने अर्ज भरा. महत्वाच्या तारखा पूर्व परीक्षेची संभाव्य तारीख - ३ एप्रिल २०२२ मुख्य परीक्षेची तारीख - ६ ऑगस्ट २०२२ क्लर्क आणि टायपिस्ट पदांसाठी मुख्य परीक्षा - १३ ऑगस्ट २०२२ परीक्षेनंतर निकालाची तारीख जाहीर केली जाणार आहे. या पदांवर भरती या रिक्त पदांद्वारे उद्योग निरीक्षकासाठी (MPSC Industry Inspector) १०३, उपनिरीक्षकासाठी (MPSC Deputy Inspector)११४, तांत्रिक सहाय्यकासाठी (Technical assistant)१४, कर सहाय्यकांसाठी (Tax assistant) ११७, लिपिक टंकलेखक मराठी (Tax Assistant, Clerk-Typist, Marathi) आणि लिपिक-टीटी इंग्रजीच्या (Clerk-Typist, English) ७९ पदांवर भरती होणार आहे. (लिपिक-टंकलेखक, इंग्रजी). यासह इतर पदांच्या रिक्त जागा भरण्यात येणार आहेत. या पदांसाठी अर्ज करणारा उमेदवार ग्रॅज्युएट किंवा डिप्लोमाधारक असणे गरजेचे आहे.


source https://maharashtratimes.com/career/career-news/mpsc-group-c-recruitment-2021-application-date-extended-for-maharashtra-psc-group-c-recruitment/articleshow/89148548.cms