मुंबई पालिकेच्या विद्युतपुरवठा आणि परिवहन विभागात भरती, दीड लाखापर्यंत मिळेल पगार

मुंबई पालिकेच्या विद्युतपुरवठा आणि परिवहन विभागात भरती, दीड लाखापर्यंत मिळेल पगार

BMC Recruitment: मुंबई महानगर पालिकेअंतर्गत विविध पदांची भरती केली जाणार आहे. पालिकेअंतर्गत येणाऱ्या विद्युतपुरवठा आणि परिवहन उपक्रम मुंबई (Brihnmumbai Electrical Supply & Transport Undertaking Mumbai) अंतर्गत ही भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. इलेक्ट्रीकल सप्लाय अॅण्ड ट्रान्सपोर्ट अंडरटेकींग मुंबई अंतर्गत पदभरतीचे नोटिफिकेशन(BEST Undertaking Mumbai Recruitment 2022) जाहीर करण्यात आले आहे. या अंतर्गत अतिरिक्त महाव्यवस्थापक (Additional General Manager), मुख्य व्यवस्थापक (Chief Manager),उपमुख्य व्यवस्थापक (Deputy Chief Manager), मुख्य लेखाधिकारी आणि आर्थिक सल्लागार. (Chief Accounts Officer & Financial Advisor) ही पदे भरली जाणार आहेत. अॅडीशनल जनरल मॅनेजर पदासाठी अर्ज करणाऱ्या उमेदवाराकडे मान्यताप्राप्त संस्थेतून इंजिनिअरिंग किंवा आर्टस् मध्ये पदवीपर्यंत शिक्षण पूर्ण असणे आवश्यक आहे. यासोबत संबंधित कामाचा १४ वर्षांचा अनुभव असावा. या पदासाठी निवड झालेल्या उमेदवारांना दरमहा ७६ हजार ७०० रुपये ते १ लाख ८४ हजार २५० रुपयांपर्यंत पगार दिला जाणार आहे. चीफ मॅनेजर पदासाठी अर्ज करणाऱ्या उमेदवारांकडे मान्यताप्राप्त संस्थेतून कॉमर्स किंवा सीएचे शिक्षण पूर्ण असावे. तसेच संबंधित कामाचा १० वर्षांचा अनुभव असणे आवश्यक आहे. या पदासाठी निवड झालेल्या उमेदवारांना दरमहा ६३ हजार ते १ लाख ५१ हजार ७०० रुपयांपर्यंत पगार दिला जाणार आहे. डेप्युटी चीफ मॅनेजर पदासाठी अर्ज करणाऱ्या उमेदवारांकडे मान्यताप्राप्त संस्थेतून आर्ट्स, सायन्स किंवा कॉमर्समध्ये पदव्युत्तर शिक्षण पूर्ण असणे आवश्यक आहे. तसेच संबंधित कामाचा ९ वर्षाचा अनुभव असावा. या पदासाठी निवड झालेल्या उमेदवारांना ६१ हजार ४०० ते १ लाख ४७ हजारपर्यंत पगार दिला जाणार आहे. चीफ अकाऊंट ऑफिसर अॅण्ड फायनान्शियल अॅडव्हायझर पदासाठी उमेदवाराकडे मान्यताप्राप्त संस्थेतून सीए किंवा कॉमर्समध्ये पदव्युत्तर शिक्षण पूर्ण असणे आवश्यक आहे. यासाठी उमेदवाराकडे संबंधित कामाचा किमान ८ वर्षांचा अनुभव असणे आवश्यक आहे. या पदासाठी निवड झालेल्या उमेदवारांना ५८ हजार ते १ लाख ४० हजारपर्यंत पगार दिला जाणार आहे. पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. या पदासाठी इच्छुक आणि पात्र उमेदवारांनी आपला अर्ज ११ मार्चपर्यंत पाठवायचा आहे. डेप्युटी चीफ मॅनेजर (एचआर अॅण्ड आयआर), पर्सोनल डिपार्टमेंट, बेस्ट अंडरटेकींग, बेस्ट भवन, बेस्ट मार्ग, कुलाबा, मुंबई - ४०००१ या पत्त्यावर अर्ज पाठवायचा आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.


source https://maharashtratimes.com/career/career-news/bmc-recruitment-various-post-vacant-in-power-supply-and-transport-department-of-mumbai-municipal-corporation/articleshow/89471023.cms

0 Response to "मुंबई पालिकेच्या विद्युतपुरवठा आणि परिवहन विभागात भरती, दीड लाखापर्यंत मिळेल पगार"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel