Deoxa Indonesian Channels
Best Viral news Website

Label

lisensi

Advertisement

Advertisement
गुरुवार, २४ फेब्रुवारी, २०२२, फेब्रुवारी २४, २०२२ WIB
Last Updated 2022-02-24T10:00:09Z
Rojgar

TET Scam: अटकेतील एजंट विविध पेपरफुटीत सहभागी

Advertisement
म. टा. प्रतिनिधी, पुणे पुणे सायबर पोलिसांनी म्हाडा, आणि शिक्षक भरती गैरव्यवहारामध्ये पकडलेल्या अनेक एजंटचा देशातील विविध परीक्षा गैरव्यवहारात संबध असल्याचे आढळले आहे. गेल्या १० ते १५ वर्षांपासून हे एजंट परीक्षा गैरव्यवहारात सक्रिय आहेत. त्यामुळे परीक्षा गैरव्यवहाराचे जाळे देशभर पसरल्याचे दिसून आले आहे. पुणे सायबर पोलिसांनी आरोग्य भरती पेपरफुटी, म्हाडा पेपरफुटी, शिक्षक भरती घोटाळा या प्रकरणात आतापर्यंत वेगवेगळे पाच गुन्हे दाखल केले असून, ३९ जणांना अटक करण्यात आली आहे. आरोग्य भरती गट 'ड'च्या पेपरफुटीप्रकरणात सायबर पोलिसांनी १९ आरोपींना आतापर्यंत अटक केली आहे. ते सर्व न्यायालयीन कोठडीत आहेत. आरोग्य भरती गट 'क'चा पेपरफुटीप्रकरणी चार जणांना अटक करण्यात आली आहे. म्हाडा पेपरफुटीसंबंधी तीन आरोपींना अटक केली आहे. टीईटी २०१९-२० गैरव्यवहार प्रकरणात १३ आरोपींना अटक केली आहे. त्यामध्ये आयएएस अधिकारी सुशील खोडवेकर यांचा समावेश आहे; तसेच २०१८च्या टीईटी प्रकरणात स्वतंत्र गुन्हा दाखल असून, त्यामध्येदेखील २०२० च्या 'टीईटी'मधील आरोपींचा सहभाग आहे. पोलिसांनी सर्व गुन्ह्यांचा तपास केल्यानंतर अनेक धक्कादायक गोष्टी समोर आल्या आहेत. पुणे सायबर पोलिसांनी पाच गुन्ह्यांत अटक केलेले अनेक एजंट देशातील विविध परीक्षेच्या पेपरफुटीशी संबंधित असल्याचे दिसून आले आहे. या एंजटांचे जाळे देशभरात पसरल्याचे समोर आले असून, अनेक वर्षांपासून हे आरोपी सक्रिय आहेत. ऑनलाइन पेपर फोडण्याचे प्रशिक्षण देणारे केंद्रदेखील बिहारमधील पाटणा येथे असल्याचे आढळले आहे. त्यामुळे पोलिस या प्रकरणाचा कसून तपास करीत आहेत. परीक्षांमधील गैरव्यवहार टाळण्यासाठी पोलिसांनी सुचवलेल्या उपाययोजना - विश्वासार्ह खासगी कंपनीची निवड करावी. - परीक्षेचे पेपर अपलोड करण्याचा कालावधी परीक्षेच्या पूर्वी फक्त १५ ते ३० मिनिटे असावा. - परीक्षा खासगी कंपनीऐवजी सरकारकडूनच आयोजित कराव्यात. - परीक्षा ज्या विभागाची आहे. त्या विभागाच्या जिल्हा शासकीय यंत्रणेने परीक्षेचे आयोजन करावे. - सीसीटीव्ही, व्हिडिओ चित्रीकरण यांचा प्रभावी वापर करावा. त्याचा डेटा शासकीय यंत्रणेकडे काही वर्षे सुरक्षित ठेवावा. - परीक्षा पेपर प्रिटिंग, परीक्षा घेणे, उत्तरपत्रिका संकलित करणे, उत्तरपत्रिका तपासणी याचे व्हिडिओ चित्रीकरण करावे.


source https://maharashtratimes.com/career/career-news/tet-scam-arrested-agent-involved-in-different-paper-leaks/articleshow/89792855.cms