.webp)
Advertisement
IMU : भारतीय मेरीटाइम विद्यापीठाअंतर्गत() विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. मुंबई येथील इंडियन मेरीटाइम युनिव्हर्सिटीअंतर्गत (IMU Mumbai Recruitment 2022) सल्लागार-सहाय्यक अभियंता (Consultant-Assistant Engineer), शारीरिक प्रशिक्षण-सह- जलतरण प्रशिक्षक (Physical training-cum-swimming instructor)ही पदे भरली जाणार आहेत. या पदांसाठी इच्छुक आणि पात्र उमेदवारांकडून ऑनलाईन माध्यमातून अर्ज मागविण्यात आले आहेत. कन्सल्टंट असिस्टंट इंजिनीअर पदासाठी अर्ज करणाऱ्या उमेदवारांकडे मान्यताप्राप्त विद्यापीठातून बॅचलर ऑफ मेडिसिन अॅण्ड बॅचलर ऑफ सर्जरी (Bachelor of Medicine and Bachelor of Surgery, M.B.B.S.) पर्यंत शिक्षण पूर्ण असणे आवश्यक आहे. तसेच संबंधित कामाचा किमान अनुभव असावा. फिजिकल ट्रेनिंग कम स्विमिंग इन्स्ट्रक्टर या पदासाठी अर्ज करणाऱ्या उमेदवारांकडे फिजिकल एज्युकेशनमध्ये पदवीपर्यंतचे शिक्षण पूर्ण असणे अनिवार्य आहे. यासोबतच संबंधित कामाचा किमान अनुभव असावा. पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. उमेदवारांनी आपला अर्ज recruitment.mumbaiport@imu.ac.in यावर पाठवायचा आहे. यासाठी ११ मार्च २०२२ पर्यंत अर्ज करता येणार आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
source https://maharashtratimes.com/career/career-news/imu-recruitment-various-posts-in-indian-maritime-university/articleshow/90142853.cms
