.webp)
Advertisement
Ltd Recruitment 2022: भारत सरकारच्या उर्जा मंत्रालयाच्या (Ministry of Energy, Government of India) अंतर्गत असलेली सार्वजनिक क्षेत्रातील महारत्न कंपनी नॅशनल थर्मल पॉवर कॉर्पोरेशन म्हणजेच एनटीपीसीमध्ये (national thermal power corporation limited) विविध पदांची भरती केली जाणार आहे. या प्रक्रियेद्वारे प्रत्येक विभागात महिला भरतीला प्रोत्साहन दिले जाणार आहे. यासोबतच एनटीपीसीकडून वेळोवेळी महिलांसाठी विशेष भरती मोहीमही राबवण्यात येत आहे. एनटीपीसीअंतर्गत सध्या तीन भरती प्रक्रिया सुरु आहेत. ज्यामध्ये इंजिनीअरिंग एक्झिक्युटीव्ह ट्रेनी (EET), एक्झिक्युटीव्ह ट्रेनी (ET) आणि जनरल ड्युटी मेडिकल ऑफिसरची (GDMO) विविध पदे भरली जाणार आहेत. आंतरराष्ट्रीय महिला दिनाच्या (International Women’s Day – IWD) पार्श्वभूमीवर ही महत्वाची अपडेट असून महिलांना या तिन्ही पदांसाठी अर्ज करता येणार आहे. इंजिनीअरिंग एक्झिक्युटीव्ह भरती एनटीपीसी लिमिटेडने कॉम्प्युटर सायन्स (Computer Science)/माहिती तंत्रज्ञान (Information Technology)आणि खाण इंजिनीअरिंगमधील (Mining Engineering) इंजिनीअरिंग कार्यकारी प्रशिक्षणार्थीच्या (Engineering Executive Trainee) एकूण ४० पदांसाठी भरतीसाठी जाहिरात (No.०५/२०२२) प्रसिद्ध केली आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. एनटीपीसीमध्ये इंजिनीअरिंग कार्यकारी प्रशिक्षणार्थीच्याऑनलाइन अर्ज प्रक्रियेला २५ फेब्रुवारीपासून सुरुवात झाली आहे. पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. उमेदवारांना अधिकृत वेबसाइट careers.ntpc.co.in वर दिलेल्या लिंकद्वारे अर्ज करता येणार आहे. तसेच बातमीखाली देण्यात आलेल्या थेट लिंकद्वारे ऑनलाइन पद्धतीने अर्ज करता येणार आहे. अर्ज करण्यापुर्वी उमेदवारांनी एनटीपीसी इइटी भरती २०२२ (NTPC EET Recruitment 2022) नोटिफिकेशन काळजीपूर्वक वाचावे. १० मार्च २०२२ ही अर्ज करण्याची शेवटची तारीख आहे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या. प्रशिक्षणार्थी पदांची भरती यासोबतच एनटीपीसीमध्ये वित्त आणि मनुष्यबळ क्षेत्रासाठी विविध प्रशिक्षणार्थी पदांसाठी एकूण ६० रिक्त पदांची भरती केली जाणार आहे.विविध विभागातील कार्यकारी प्रशिक्षणार्थी पदांवर एकूण ६० रिक्त जागा भरण्यासाठी ही भरती मोहीम आयोजित करण्यात आली आहे. यामध्ये कार्यकारी प्रशिक्षणार्थी वित्त (CA किंवा CMA) ची 20 पदे, एक्झिक्युटिव्ह ट्रेनी फायनान्स (MBA) ची १० पदे आणि कार्यकारी प्रशिक्षणार्थी एचआरच्या ३० पदांचा समावेश आहे. कार्यकारी प्रशिक्षणार्थी पदांवर कार्यरत असलेल्या उमेदवारांना वेतन दिले जाईल, त्यांना दरमहा ४० हजार ते १ लाख ४० हजार रुपये (E1 ग्रेड) वेतन दिले जाणार आहे. याशिवाय लागू भत्त्यांचा लाभ मिळणार आहे.
source https://maharashtratimes.com/career/career-news/ntpc-recruitment-promotion-of-women-recruitment-in-ntpc-apply-for-these-197-executive-trainees-and-others/articleshow/90072114.cms
