.webp)
Advertisement
Maharashtra 2021 Date: महाराष्ट्र बोर्डाचा बारावीचा निकाल ३१ जुलैपर्यंत लागण्याची शक्यता वर्तविली जात होती.सर्वोच्च न्यायालयाकडून तसे निर्देश देण्यात आले होते. तसेच शालेय शिक्षण विभागातर्फे देखील ३१ जुलै पर्यंत निकाल लागतील असे संकेत मिळत होते. पण महिन्याच्या शेवटच्या दिवशी देखील निकालाची कोणतीही घोषणा होताना दिसत नाही. राज्यातील लाखो विद्यार्थी या निकालाची आतुरतेने वाट पाहत आहेत. महाराष्ट्र बोर्डाचा इतिहास पाहत आज घोषणा होऊन लगेच निकाल जाहीर होईल असे वाटत नाही. त्यामुळे बारावीचा निकाल आता ऑगस्टमध्येच जाहीर होईल हे निश्चित झाले आहे. हा निकाल सोमवारपर्यंत जाहीर होण्याची दाट शक्यता आहे. राज्य माध्यमिक आणि उच्च माध्यमिक मंडळाचा बारावीचा निकाल येत्या दोन दिवसांमध्ये लागण्याची शक्यता आहे. दरम्यान, महाराष्ट्र बोर्डातर्फे विद्यार्थ्यांना त्यांचे बैठक क्रमांक (Seat Number) पाहून ठेवण्याचे निर्देश दिले आहेत. यंदा बारावीची परीक्षा रद्द झाली होती, तत्पूर्वी या परीक्षेला नोंदणी केलेल्या सर्व विद्यार्थ्यांना ३ एप्रिल २०२१ रोजी ऑनलाइन प्रवेशपत्र देण्यात आली आहेत. त्यानुसार सर्व उच्च माध्यमिक शाळांनी वा कनिष्ठ महाविद्यालयांनी विद्यार्थ्यांना त्यांचे बैठक क्रमांक अवगत करून दिले आहेत. या बैठक क्रमांकांसंदर्भात मंडळाने एक परिपत्रक गुरुवारी २९ जुलै रोजी सायंकाळी जारी केले आहे. विद्यार्थ्यांना त्यांचे बैठक क्रमांकासंदर्भातील माहिती मंडळाच्या अधिकृत वेबसाइटवर मिळणार आहे. कसा लागणार निकाल? बारावीतील विद्यार्थ्यांचे मूल्यांकन करताना दहावी, अकरावी आणि बारावी अशा तीन वर्गांचे गुण विचारात घेण्यात आले आले. दहावी आणि अकरावीच्या लेखी परीक्षांचे प्रत्येकी ३० टक्के, तर बारावीचे ४० टक्के गुण गृहित धरण्यात आले आहेत. याशिवाय, बारावीचे अंतिम तोंडी परीक्षेचे गुणही विचारात घेतले गेले आहेत. बारावीला असणाऱ्या विद्यार्थ्यांचे गुण संकेतस्थळावर अपलोड करण्यासाठी २३ जुलैपर्यंत मुदत देण्यात आली होती. त्यानंतर, याकरिता एक दिवसाची मुदतवाढही देण्यात आली. या कालावधीत बहुतांश नियमित विद्यार्थ्यांचे गुण संकेतस्थळावर अपलोड झालेले आहेत. सुरुवातीला आलेल्या काही अडचणींनंतर बहुतांश ज्युनियर कॉलेजेसनी विद्यार्थ्यांचे गुण महाराष्ट्र माध्यमिक आणि उच्च माध्यमिक मंडळाकडे सादर केले आहेत. मागील वर्षी अनुत्तीर्ण झालेल्या विद्यार्थ्यांच्या गुणांसंदर्भातील काही अडचणी वगळल्यास बहुतांश विद्यार्थ्यांचे गुण आता अपलोड करण्यात आले आहेत. बारावी निकालाची वाट पाहणारे विद्यार्थी अधिकृत वेबसाइट mahahsscboard.maharashtra.gov.in आणि mahresult.nic.in वर जाऊन लेटेस्ट अपडेट पाहू शकतात.तसेच विद्यार्थी रिझल्ट पाहण्यासाठी खाली दिलेल्या स्टेप्स फॉलो करु शकता. Maharashtra 12th Result 2021: असा तपासा रिझल्ट बारावीचा निकाल पाहण्यासाठी अधिकृत वेबसाइट https://mh-hsc.ac.in/ वर जा. यानंतर Maharashtra HSC Result 2021 या लिंकवर क्लिक करा. यानंतर बारावीचा रोल नंबर टाकून सबमिट करा. यानंतर तुम्हाला बारावीचा निकाल २०२१ स्क्रीनवर दिसेल. भविष्यातील उपयोगासाठी प्रिंटआऊट काढून ठेवा.
from Career News in Marathi: Career News, मराठी Career बातम्या | Maharashtra Times https://ift.tt/3fhRCcN
via nmkadda
