Advertisement
2021: महाराष्ट्र राज्य माध्यमिक आणि उच्च माध्यमिक शिक्षण मंडळाचा बारावीचा निकाल दुपारी ४ वाजता जाहीर होणार आहे. विद्यार्थ्यांना दुपारी ४ नंतर अधिकृत वेबसाइटवर जाऊन निकाल पाहता येणार आहे. तत्पुर्वी दुपारी २ वाजता शिक्षण मंडळातर्फे पत्रकार परिषद घेऊन विभागनिहाय निकाल जाहीर करण्यात येणार आहे. दरम्यान कोणत्याही विद्यार्थ्याला आपल्या निकालाबद्दल आक्षेप किंवा तक्रार असल्यास त्याचे निवारण बोर्डातर्फे करण्यात येणार आहे. यासाठी बोर्डातर्फे संपर्क क्रमांक जाहीर करण्यात आले आहेत. करोनाचा प्रादुर्भाव वाढल्यानंतर बारावीची परीक्षा रद्द करण्यात आली. त्यानंतर सुधारित मूल्यमापन कार्यपद्धतीनुसार बारावीचा निकाल लावण्यात येत आहे. हा निकाल जाहीर झाल्यानंतर विद्यार्थ्यांच्या तक्रारी आणि आक्षेप सोडवण्यासाठी मंडळ स्तरावर व्यवस्था निर्माण करण्यात आली आहे. बारावीच्या विद्यार्थ्यांना रिझल्टवरील तक्रार, आक्षेप नोंदविण्यासाठी संबंधित विभाग मंडळ स्तरावर तक्रार निवारण अधिकाऱ्याची नियुक्ती करण्यात आली आहे. यासाठी तक्रार निवारण अधिकारी म्हणून विभागीय मंडळातील विभागीय सहसचिव म्हणून काम पाहणार आहेत. या तक्रार निवारण अधिकारी म्हणजेच विभागीय सहसचिवांचे पत्ते, संपर्क क्रमांक आणि ईमेल आयडी जाहीर करण्यात आले आहेत. ज्या विद्यार्थ्यांना आपल्या निकालासंदर्भात तक्रार करायची असेल ते टपाल, ईमेल किंवा संबंधित अधिकाऱ्यांना व्यक्तीश: भेटून त्याचे निवारण करु शकतात. यासाठी मंडळातर्फे नमूना अर्ज जाहीर करण्यात आला आहे. अधिकृत वेबसाइटवर विद्यार्थ्यांना हा नमूना अर्ज उपलब्ध आहे. तक्रार निवारण अधिकाऱ्यातर्फे तक्रार मिळाल्यानंतर पुढील दहा दिवसांच्या आत हा अर्ज निकाली काढला जाणार आहे. यासंदर्भात विद्यार्थ्याला पत्र किंवा ईमेलद्वारे माहिती कळविण्यात येणार आहे. या उत्तरासंदर्भात देखील विद्यार्थ्यांना काही अडचणी असल्यास ते संबंधित विभागीय मंडळातील विभागीय सचिव, विभागीय अध्यक्ष यांच्याशी संपर्क साधू शकतील. उच्च माध्यमिक शाळा आणि कनिष्ठ महाविद्यालयांचे प्राचार्य, शिक्षक, विद्यार्थी, पालकांना ही माहिती कळविण्यात आली आहे. कुठे पाहाल निकाल? बारावीचा निकाल पाहण्यासाठी अधिकृत वेबसाइट वर जा. यानंतर Maharashtra या लिंकवर क्लिक करा. यानंतर बारावीचा रोल नंबर टाकून सबमिट करा. यानंतर तुम्हाला बारावीचा निकाल २०२१ स्क्रीनवर दिसेल. भविष्यातील उपयोगासाठी प्रिंटआऊट काढून ठेवा.
from Career News in Marathi: Career News, मराठी Career बातम्या | Maharashtra Times https://ift.tt/3A63xCs
via nmkadda