.webp)
Advertisement
: दहावी आणि बारावी टर्म -१ परीक्षेसाठी नमुना पेपर आणि मार्किंग स्किम सीबीएसईने जाहीर केली आहे. ही स्किम विद्यार्थी आणि शिक्षक सीबीएसईच्या वेबसाइटवरून डाउनलोड करू शकतात. नोव्हेंबर-डिसेंबरमध्ये होणाऱ्या टर्म -१ परीक्षेचा पॅटर्न आणि मार्किंग योजनेविषयी स्पष्टता मिळावी हा यामागचा हेतू आहे. यापूर्वी, सीबीएसईने विद्यार्थी आणि शिक्षकांच्या मदतीसाठी एक स्टडी प्लान देखील जाहीर केला होता. पण जाहीर केलेल्या नमुना पेपरमधून स्पष्टतेऐवजी गोंधळ निर्माण झालेला दिसून येतोय. दहावी आणि बारावीच्या अनेक विषयांच्या नमुना पेपरमध्ये ४० पेक्षा जास्त बहुपर्यायी प्रश्न दिले गेले आहेत. मागच्या वर्षापर्यंत वस्तुनिष्ठ विभागात प्रत्येकी एका मार्काचे बहुपर्यायी प्रश्न विचारले जात होते. सीबीएसईनेच जुलै महिन्यात एक परिपत्रक जारी केले होते आणि म्हटले होते की टर्म -१ आणि टर्म -२ या दोन्हीमधील प्रत्येक पेपर ४०-४० गुणांचा असेल. अशावेळी बहुपर्यायी प्रश्न विचारले गेल्यामुळे अनेक प्रश्नपत्रिकांना ४० पेक्षा जास्त गुण मिळत आहेत. अनेक विषयांमध्ये असे निर्देश देण्यात आले आहेत की सर्व प्रश्नांना समान गुण आहेत. बहुपर्यायी प्रश्नांचे गुण प्रत्येक विभागात भिन्न असतील हे मानणे कठीण आहे. सीबीएसई तज्ञांनी तीन शक्यता सुचवल्या आहेत- सीबीएसई काही विषयांमध्ये प्रतिप्रश्न एक गुणाऐवजी ०.७ आणि ०.८ गुण देऊ शकते जेणेकरून एकूण ४० गुणांचा पेपर राहू शकेल. ही समस्या सोडवण्यासाठी CBSE लवकरच अपडेट देऊ शकते. सीबीएसई प्रत्येक प्रश्नाला फक्त एक मार्क वेटेज ठेवू शकते. ४० पेक्षा जास्त प्रश्न असलेल्या विषयांचे टर्म -१ आणि टर्म -२ मार्क्स ब्रेकडाऊन बदलले डाऊ शकते. म्हणजेच, टर्म -१ हे टर्म -२ पेक्षा जास्त गुणांचे असू शकते. पण बोर्डालाही याबाबत स्पष्टीकरण द्यावे लागेल. यावर्षी पासून, कोविड १९ महामारीच्या पार्श्वभूमीवर, सीबीएसई अभ्यासक्रम दोन समान सत्रांमध्ये विभागला आहे - टर्म १ आणि टर्म २. टर्म १ हा एमसीक्यू किंवा ऑब्जेक्टिव्ह पेपर असेल आणि ५० % अभ्यासक्रमावर आधारित असेल. परीक्षा ऑफलाइन किंवा ऑनलाईन (परिस्थितीनुसार) घेतली जाईल आणि प्रश्नपत्रिका मंडळाद्वारे उपलब्ध केल्या जातील. चार प्रकारच्या परिस्थितीनुसार अंतिम परीक्षांबाबतचा निर्णय घेण्यात येईल, त्यावेळी सीबीएसई बोर्ड टर्म १ परीक्षेचे गुण अंतिम सीबीएसई बोर्ड निकाल २०२२ साठी ग्राह्य धरणार आहे. म्हणूनच या पहिल्या सत्राच्या प्रश्नपत्रिका कशा असतील त्याचे विद्यार्थी, शिक्षकांना आकलन व्हावे, म्हणून बोर्डाने आणि बारावीसाठी टर्म I - MCQ आधारित पेपरचे नमुना पेपर जारी केले आहेत. सीबीएसई इयत्ता दहावी आणि बारावीचे २०२२ टर्म १ साठी सॅम्पल पेपर विद्यार्थी अधिकृत वेबसाइट cbseacademic.nic.in वरून पाहू शकतात.
from Career News in Marathi: Career News, मराठी Career बातम्या | Maharashtra Times https://ift.tt/3tmwB6n
via nmkadda
