.webp)
Advertisement
IBPS SO Recruitment: राष्ट्रीय बँकांमध्ये सरकारी नोकरी शोधणाऱ्या आणि आयबीपीएस एसओ परीक्षा २०२१ ची तयारी करणाऱ्या उमेदवारांसाठी महत्वाची बातमी आहे. इन्स्टिट्यूट ऑफ बँकिंग पर्सोनल सिलेक्शन (IBPS) ने विविध राष्ट्रीय सार्वजनिक क्षेत्रातील बँकांमध्ये एकूण १८२८ पदांच्या भरतीसाठी नोटिफिकेशन जाहीर केले आहे. याअंतर्गत बँक ऑफ बडोदा, बँक ऑफ इंडिया, बँक ऑफ महाराष्ट्र, कॅनरा बँक, सेंट्रल बँक ऑफ इंडिया, इंडियन बँक, इंडियन ओव्हरसीज, पंजाब नॅशनल बँक, पंजाब अँड सिंध बँक, यूको बँक आणि युनियन बँक ऑफ इंडियामध्ये भरती होणार आहे. या सरकारी बॅंकांमधील आयटी, अॅग्रीकल्चर, राजभाल, लॉ,एचआर/पर्सोनल आणि मार्केटिंग विभागामध्ये ही भरती केली जाणार आहे. सरकारी बँकांमध्ये १८०० हून अधिक पदांवर भरती सुरु आहे. यासाठी अर्ज करू इच्छिणारा उमेदवारांसाठी शैक्षणिक अर्हता, अनुभव, वयोमर्यादा, पगार यांचा तपशील नोटिफिकेशनमध्ये देण्यात आला आहे. या रिक्त पदांसाठी इच्छुक उमेदवार IBPS ची अधिकृत वेबसाइट ibps.in वर जाऊन ऑनलाईन माध्यमातून अर्ज करू शकतात.अर्ज प्रक्रिया सुरु झाली असून उमेदवार २३ नोव्हेंबर २०२१ पर्यंत नोंदणी करू शकतील. तसेच त्याच तारखेपर्यंत उमेदवारांना ८५० रुपये अर्ज शुल्क देखील भरावे लागेल. अर्ज शुल्क ऑनलाइन माध्यमातून भरावे लागणार आहे.एससी, एसटी आणि दिव्यांग उमेदवारांसाठी अर्ज शुल्क १७५ रुपये आहे. इन्स्टिट्यूट ऑफ बँकिंग पर्सोनेल सिलेक्शनने जाहीर केलेल्या सिलेक्शन ऑफिसर भरती नोटिफिकेशननुसार, अर्ज करण्यास इच्छुक उमेदवारांचे वय १ नोव्हेंबर २०२१ रोजी २० वर्षांपेक्षा कमी आणि ३० वर्षांपेक्षा जास्त नसावे. उमेदवारांचा जन्म २ नोव्हेंबर १९९१ पूर्वी झालेला नसावा आणि १ नोव्हेंबर २००१ नंतर झालेला नसावा. शैक्षणिक पात्रता उमेदवार रिक्त पदांशी संबंधित विषय/क्षेत्रातील पदवीधर किंवा पदव्युत्तर असावा. अधिकृत वेबसाइटवरील आयबीपीएस एसओ २०२२-२३ नोटिफिकेशनमध्ये याचा सविस्तर तपशील देण्यात आला आहे. IBPS PO Recruitment: यावेळी रिक्त जागा कमी आयबीपीएसतर्फे एकूण ११ बँकांमध्ये भरती केली जाते. मात्र यावेळी केवळ ८ बँकांमध्ये पीओ पदावर नोकरीसाठी अर्ज करता येणार आहे. आयबीपीएस भरती परीक्षा २०२१ मध्ये केवळ आठ बँका सहभागी आहेत. तपशीलानुसार बँक ऑफ इंडियामध्ये ५८८, बँक ऑफ महाराष्ट्रमध्ये ४००, पंजाब आणि सिंध बँकेत ४२७, युको बँकेत ४४०, कॅनरा बँकेत ६५०, इंडियन ओव्हरसीज बँकेत ९८ आणि युनियन बँकेत ९१२ रिक्त पदे भरायची आहेत. आयबीपीएस पीओ आणि एमटीच्या एकूण ४१३५ पदांची भरती केली जाणार आहे. या संख्येची मागील भरतीशी तुलना केली जात आहे. प्रत्यक्षात मागील भरतीतील अंतिम निकालानंतर एकूण ४७९९ पदांची भरती करण्यात आली होती. त्यानुसार या भरतीमध्ये मागील भरतीपेक्षा एकूण ६५० पदे कमी आहेत.
from Career News in Marathi: Career News, मराठी Career बातम्या | Maharashtra Times https://ift.tt/3CBJtJL
via nmkadda
