सीईटी सेलकडून इंजिनीअरिंगसाठी प्रवेशप्रक्रिया सुरू Rojgar News

सीईटी सेलकडून इंजिनीअरिंगसाठी प्रवेशप्रक्रिया सुरू Rojgar News

म. टा. प्रतिनिधी, पुणे: राज्य सामाइक प्रवेश परीक्षा कक्षाने () पदवी (बीई/बीटेक) आणि पदव्युत्तर (इंटिग्रेटेड एमई) अभ्यासक्रमांची दोन नोव्हेंबरपासून सुरू झाली असून, त्यांना १८ नोव्हेंबरपर्यंत ऑनलाइन पद्धतीने नोंदणी करता येणार आहे. अंतिम गुणवत्ता यादी २७ नोव्हेंबरला जाहीर होऊन, २८ नोव्हेंबरपासून पहिल्या प्रवेश फेरीला सुरुवात होईल, अशी माहिती ‘सीईटी सेल’ने दिली. ‘सीईटी सेल’कडून इंजिनीअरिंग, फार्मसी, हॉटेल मॅनेजमेंट अँड केटरिंग टेक्नॉलॉजी, लॉ अशा विविध पदवी आणि पदव्युत्तर अभ्यासक्रमांना प्रवेश घेण्यासाठी सीईटी परीक्षा घेण्य़ात आल्या. या परीक्षांचा निकाल काही दिवसांपूर्वी जाहीर झाला. मात्र, ऑनलाइन प्रवेशप्रक्रियेस सुरुवात झाली नाही. प्रवेशप्रक्रिया लवकर सुरू न झाल्यास, शैक्षणिक वर्ष विस्कळित होण्याची शक्यता आहे. याबाबत ‘महाराष्ट्र टाइम्स’ने मंगळवारी वृत्त प्रसिद्ध केले. त्यानंतर ‘सीईटी सेल’ने इंजिनीअरिंग पदवी आणि पदव्युत्तर अभ्यासक्रमांची प्रवेशप्रक्रिया सुरू केली आहे. त्यानुसार प्रवेशासाठी इच्छुक विद्यार्थ्यांना दोन ते १८ नोव्हेंबर या कालावधीत ‘सीईटी सेल’च्या https://ift.tt/2Jmyl94 वेबसाइटवरून नोंदणी करावी लगणार आहे. प्रवेशासाठी लागणारी कागदपत्रे आणि दाखले अपलोड करावे लागतील. त्यानंतर दोन ते २० नोव्हेंबर या कालावधीत कागदपत्रांच्या ई-स्क्रूटिनी मॉड्युलचा वापर करून, पडताळणी करायची आहे. अर्जाचे कन्फर्मेशनही करायचे आहे. त्यानंतर २२ नोव्हेंबरला प्राथमिक गुणवत्ता यादी प्रसिद्ध होईल. याबाबत विद्यार्थी-पालकांना आक्षेप असल्यास, ते २३ ते २५ नोव्हेंबरदरम्यान नोंदवायचे आहेत. विद्यार्थ्यांची अंतिम गुणवत्ता यादी २७ नोव्हेंबरला प्रसिद्ध झाल्यानंतर, २८ नोव्हेंबरपासून पहिल्या प्रवेश फेरीला सुरुवात होईल, अशी माहिती ‘सीईटी सेल’चे आयुक्त आर. एस. जगताप यांनी परिपत्रकाद्वारे दिली. कॉलेज ६ डिसेंबरपासून सुरू राज्यातील प्रथम वर्ष इंजिनीअरिंग अभ्यासक्रमांचे कॉलेज सहा डिसेंबरपासून सुरू होणार आहे. या कॉलेजमध्ये प्रवेश घेण्याची अंतिम मुदत २३ डिसेंबर राहणार आहे. दुसऱ्या फेरीला सात डिसेंबरपासून सुरुवात होईल, अशी माहिती ‘सीईटी सेल’कडून देण्यात आली आहे. वेळापत्रक प्रवेशासाठी नोंदणी - २ ते १८ नोव्हेंबर पडताळणी आणि कन्फर्मेशन - २ ते २० नोव्हेंबर प्राथमिक गुणवत्ता यादी - २२ नोव्हेंबर यादीवर आक्षेप नोंदवणे - २३ ते २५ नोव्हेंबर अंतिम गुणवत्ता यादी - २७ नोव्हेंबर प्रवेश फेरीला सुरुवात - २८ नोव्हेंबर कॉलेजांचे पर्याय भरणे - २८ ते ३० नोव्हेंबर अॅलॉटमेंट जाहीर होणे - २ डिसेंबर प्रवेश निश्चिती - ३ ते ५ डिसेंबर प्रत्यक्ष प्रवेश घेणे - ३ ते ६ डिसेंबर


from Career News in Marathi: Career News, मराठी Career बातम्या | Maharashtra Times https://ift.tt/3EEwCqF
via nmkadda

0 Response to "सीईटी सेलकडून इंजिनीअरिंगसाठी प्रवेशप्रक्रिया सुरू Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel