Deoxa Indonesian Channels
Best Viral news Website

Label

lisensi

Advertisement

Advertisement
शनिवार, ८ जानेवारी, २०२२, जानेवारी ०८, २०२२ WIB
Last Updated 2022-01-08T07:00:58Z
Rojgar

सुप्रीम कोर्टाच्या निर्णयानंतर नीट पीजी काऊन्सेलिंगसंदर्भात महत्वाची अपडेट

Advertisement
Counseling: सुप्रीम कोर्टाकडून ग्रीन सिग्नल मिळाल्यानंतर आता पुढील आठवड्यापासून () सुरू होऊ शकते. याबाबतची माहिती सूत्रांनी दिली आहे. नीट पीजी २०२१ (NEET PG 2021) समुपदेशन आणि आरक्षणाच्या बाबतीत सर्वोच्च न्यायालयाने मोठा निर्णय देत नीट पीजी काऊन्सेलिंग २०२१ ला मान्यता दिली आहे. म्हणजेच आता मेडिकल पीजी प्रवेश २०२१ साठी नीट पीजी २०२१ चे काऊन्सेलिंग सुरू केले जाऊ शकते. या पार्श्वभूमीवर पुढील आठवड्यापासून काऊन्सेलिंग सुरू होऊ शकते अशी माहिती सुत्रांनी दिली आहे. नीट पीजी काऊन्सेलिंगमध्ये विलंबाच्या निषेधार्थ यापूर्वी, निवासी डॉक्टर संपावर गेले होते. केंद्रीय आरोग्य मंत्रालयाने ६ जानेवारी रोजी न्यायालयाच्या सुनावणीनंतर लवकरच नीट पीजी काऊन्सेलिंग कार्यक्रम घेऊन येण्याचे आश्वासन दिल्याने त्यांचा १४ दिवसांचा संप गेल्या शुक्रवारी मिटला. निवासी डॉक्टर्स असोसिएशनने अनेक आंदोलक डॉक्टरांवर दाखल केलेले एफआयआर रद्द करण्याची मागणी केली. सरकारनेही ही मागणी मान्य केली होती. सर्वोच्च न्यायालयाने नीट पीजी २०२१ मध्ये ओबीसी आरक्षण आणि इडब्ल्यूएस कोट्यावर निर्णय दिला आहे. सुप्रीम कोर्टाने इतर मागासवर्गीय (OBC) विद्यार्थ्यांसाठी २७ टक्के आरक्षण आणि आर्थिकदृष्ट्या दुर्बल घटकांसाठी (EWS) १० टक्के आरक्षणाची वैधता कायम ठेवली. याचिकेत इतर मागासवर्गासाठी २७ टक्के आरक्षण आणि पदव्युत्तर अभ्यासक्रमांसाठी अखिल भारतीय कोट्यातील जागांवर ईडब्ल्यूएस प्रवर्गासाठी १० टक्के आरक्षण देण्याच्या निर्णयाला आव्हान देण्यात आले होते. NEET प्रवेश परीक्षेद्वारे निवडलेल्या उमेदवारांना MBBS मध्ये १५ टक्के जागा आणि MS, MD अभ्यासक्रमांच्या प्रवेशांसाठी ५० टक्के जागा अखिल भारतीय कोट्यातून भरल्या जातात. सुनावणी वेळी खंडपीठाने सांगितले की राष्ट्रहितासाठी काऊन्सेलिंग सुरू व्हायला हवी. सुनावणीदरम्यान सर्वोच्च न्यायालयाच्या खंडपीठाने निवासी डॉक्टरांची मागणी वास्तविक असल्याचे मत नोंदवले. पीठाने या प्रकरणाचा सकारात्मक रुपाने विचार करण्यासाठी सहमती व्यक्त केली. ईडब्ल्यूएस नियम जानेवारी २०१९ मध्ये आला आणि याचिकाकर्त्यांनी याला काऊन्सेलिंग सुरू होत असताना आव्हान दिलं, याला खूप उशिर झाला आहे, असा युक्तिवाद महाधिवक्ता तुषार मेहता यांनी केला. कोविडची तिसरी लाट जवळपास आल्याने काऊन्सेलिंगला होणाऱ्या विलंबामुळे डॉक्टरांचा तुटवडा निर्माण होईल असे खंडपीठाने सांगितले. पदव्युत्तर पदवी प्रवेश पूर्णपणे योग्यतेवर आधारित व्हायला हवेत आणि आरक्षण कमीत कमी असायला हवे असे ईडब्ल्यूस म्हणजेच आर्थिक दुर्बल घटकासाठी १० टक्के आरक्षणाच्या निर्णयाला आव्हान देणाऱ्या याचिकाकर्त्यांचे वकील श्याम दिवाण यांनी सांगितले. सुपर स्पेशालिटी अभ्यासक्रमांसाठी कोणतेही आरक्षण नसावे, असे सांगणाऱ्या सर्वोच्च न्यायालयाच्या निर्णयांचाही दिवाण यांनी हवाला दिला.


source https://maharashtratimes.com/career/career-news/neet-pg-may-start-from-next-week-after-green-signal-of-the-supreme-court/articleshow/88769481.cms