.webp)
Advertisement
CBSE Board Result 2021: केंद्रीय माध्यमिक शिक्षण बोर्ड म्हणजेच बोर्डाचा दहावी, बारावी परीक्षेचा निकाल लवकरच जाहीर होणार आहे. या महिन्यातच विद्यार्थ्यांच्या हाती निकाल येईल असे म्हटले जात आहे. दरम्यान परीक्षा न झाल्याने विद्यार्थ्यांना हॉलतिकिट तसेच परीक्षा क्रमांक मिळाले नव्हते. तसेच रिझल्ट कुठे उपलब्ध होणार? असे अनेक प्रश्न उपस्थित केले जात होते. तर या सर्व प्रश्नांची उत्तरे मिळाली आहेत. सीबीएसई रिझल्ट २०२१ हा डिजिलॉकरमध्ये उपलब्ध होणार आहे. डिजिलॉकर अकाऊंटमध्ये लॉगिन करुन विद्यार्थी मार्कशिट, मायग्रेशन सर्टिफिकेट्स आणि स्किल सर्टिफिकेटसारखे महत्वाचे डॉक्युमेंट हाताळू शकतात. सीबीएसई बोर्डाच्या दहावी, बारावीच्या विद्यार्थ्यांचे निकाल अंतर्गत मूल्यमापन पद्धतीने जाहीर होणार आहेत. विद्यार्थ्यांना कागदपत्र त्यांच्या संबंधित डिजिलॉकर अकाऊंटमध्ये पाठवले जातील. डिजिलॉकर काय आहे? डिजिलॉकर हे डॉक्यूमेंट्सची साठवणूक, शेअरिंग आणि पडताळीसाठी सुरक्षित क्लाऊट आधारित प्लॅटफॉर्म आहे. डिजिलॉकर ही सुविधा केंद्रीय इलेक्ट्रॉनिक्स व आयटी विभागाने उपलब्ध करून दिली आहे. यामध्ये प्रत्येक व्यक्तीला आपली महत्त्वाची कागदपत्रे डिजिटल स्वरूपात साठवता येतात. त्यामुळे कागदपत्रांचा अनावश्यक वापर टळतो. 'नॅशनल ई-गव्हर्नन्स डिव्हिजन'मार्फत ही सेवा पुरविण्यात येते. CBSE Board Result 2021: डिजिलॉकरमध्ये अकाऊंट कसे बनवाल? सर्वात आधी अधिकृत वेबसाइट https://ift.tt/3kzC6wm वर जा. आता आधार कार्डनुसार तुमची नाव नोंदणी करा आधार कार्डनुसार तुमची जन्मतारीख टाका यानंतर जेंडर आणि मोबाइल नंबर टाका ६ अंकी सिक्योरीटी पिन सेट करा आपला ईमेल आयडी टाका आधार नंबर आणि डिटेल्स जमा करा आता यूजरनेम सेट करा महाराष्ट्र बोर्डाकडून उपयोग सुरु केंद्रीय इलेक्ट्रॉनिक्स आणि आयटी विभागाने महाराष्ट्र राज्य माध्यमिक व उच्च माध्यमिक शिक्षण मंडळाशी करार केला आहे. या माध्यमातून मंडळाची दहावी- बारावीची परीक्षा दिलेल्या विद्यार्थ्यांची प्रमाणपत्रे या 'डिजिलॉकर'मध्ये डिजिटल स्वरूपात 'सेव्ह' झाली आहेत. १९८९ साली दहावी-बारावी उत्तीर्ण झालेल्या विद्यार्थ्यांपासून आतापर्यंतच्या विद्यार्थ्यांपर्यंत अशी सुमारे आठ कोटी प्रमाणपत्रे यामध्ये साठविण्यात आली आहेत. ही प्रमाणपत्रे https://ift.tt/3z9rpVh या वेबसाइटवर उपलब्ध आहेत. याचा वापर करून भारतीय तसेच परदेशी विद्यापीठात प्रवेश घेणे, नोकरीसंदर्भात कंपन्यांना उमेदवारांच्या प्रमाणपत्रांची पडताळणी करणे शक्य आहे. याचा वापर करण्यासाठी विद्यार्थ्यांना https://ift.tt/1BRGh9S या वेबसाइटवर साइन-अप करून आपले आधारकार्ड लिंक करावे लागेल. त्यानंतर त्यांना त्यांचे डिजिटल प्रमाणपत्र उपलब्ध होईल.
from Career News in Marathi: Career News, मराठी Career बातम्या | Maharashtra Times https://ift.tt/3exEiAK
via nmkadda
