Advertisement
CBSE 12th Result 2021: केंद्रीय माध्यमिक शिक्षण मंडळाने म्हणजेच सीबीएसई बोर्डाने बारावीच्या निकालाच्या प्रक्रियेतील विद्यार्थ्यांच्या गुणांसाठी मॉडरेशन पोर्टल गुरुवारपासून सुरू केले आहे. बोर्डाने जारी केलेल्या अधिकृत निवेदनानुसार, शाळांना विद्यार्थ्यांचे गुण अपलोड करण्यासाठी आणखी वेळ दिला जाणार आहे. या संकेतस्थळावर ही लिंक उपलब्ध आहे. सीबीएसई बारावीचा निकाल ऑनलाइन टॅब्युलेशन पोर्टलद्वारे तयार करण्यात येत आहे. हे पोर्टल बोर्डाने डिझाइन केलं आहे. शाळांना विद्यार्थ्यांचे अकरावी आणि बारावीचे गुण टॅब्युलेशन पॉलिसीनुसार सादर करायला बोर्डाने सांगितलं आहे. हे सबमिशन झाल्यानंतर बोर्डाद्वारे माहितीचं पृथक्करण करण्यात येईल आणि आणखी काही माहिती हवी असेल तर ती सादर करण्यास शाळांना सांगितलं जाईल. बोर्डाने १३ जुलै रोजी एक परिपत्रक जारी केलं होतं, त्यानुसार ७,८०० शाळांमधील ३२ हजार विद्यार्थ्यांचा दहावीचा निकाल सबमीट होणं बाकी होतं. ही माहिती काही तांत्रिक त्रुटींमुळे बोर्डाला मिळाली नव्हती. मूल्यांकनापूर्वी बोर्डाने शाळांसाठी टॅब्युलेशन पोर्टल पुन्हा उघडून देऊन उर्वरित माहिती भरण्यास सांगितली आहे. हा डेटा अपलोड झाल्यानंतर मॉडरेशन पोर्टल उघडण्यात येईल. सीबीएसई बोर्डाच्या दहावी, बारावी परीक्षांचा निकाल ३० जुलैपर्यंत जाहीर केला जाण्याची शक्यता आहे.
from Career News in Marathi: Career News, मराठी Career बातम्या | Maharashtra Times https://ift.tt/3yZIoZZ
via nmkadda
