.webp)
Advertisement
in Marathi: मुंबई विद्यापीठातर्फे लवकरच मराठी भाषेमध्ये इंजिनीअरिंगचा अभ्यासक्रम सुरु होणार आहे. मुंबई विद्यापीठाच्या विद्या परिषदेत या प्रस्तावाला मंजूरी देण्यात आली. स्थानिक भाषेमध्ये इंजिनअरिंग शिक्षण द्यावे असे निर्देश ऑल इंडिया काऊंसिल फॉर टेक्निकल एज्युकेशन (AICT)ने इंजिनीअरिंग महाविद्यालयांना दिले होते. त्यानुसार मुंबई विद्यापीठात मराठी भाषेतून अभ्यासक्रमासाठी प्रस्ताव ठेवण्यात आला. याला मंजूरी देण्यात आली आहे. स्थानिक भाषांमध्ये अभियांत्रिकीचे शिक्षण देण्यात यावे अशी शिफारस एआयसीटीने सर्व महाविद्यालयांना केली होती. मुंबई विद्यापीठातर्फे या प्रस्तावाला परवानगी मिळाल्याने विद्यार्थ्यांना याचा मोठा फायदा होणार आहे. त्यांना आपल्या बोलीभाषेत इंजिनीअरिंगचे धडे गिरवता येणार आहेत. मुंबई विद्यापीठाअंतर्गत येणारी इंजिनीअरिंग महाविद्यालये विद्यापीठाकडे मराठीत इंजिनीअरिंग अभ्यासक्रमासाठी प्रस्ताव पाठवू शकतात. त्या महाविद्यालयांना आाता मराठीतून इंजिनीअरिंग अभ्यासक्रमाची परवानगी देण्यात येणार आहे. नव्या अभ्यासक्रमांना सुरुवात औद्योगिक गरजा लक्षात घेऊन अभियांत्रिकीच्या आठ शाखांमध्ये उद्योन्मुख नवीन विषयांच्या अभ्यासक्रमांना सुरुवात करण्यात आली आहे. ज्यामध्ये आर्टीफिशिअल इंटेलिजेंस अँड डेटा सायन्स, आर्टीफिशिअल इंटेलिजेंस अँड मशिन लर्निंग, सायबर सिक्युरिटी, इंटरनेट ऑफ थिंग्स, डेटा इंजिनिअरिंग, कम्प्युटर सायन्स अँड इंजिनिअरींग (डेटा सायन्स), कम्प्युटर सायन्स अँड इंजिनिअरींग (आर्टीफिशिअल इंटेलिजेंस अँड मशिन लर्निंग), कम्प्युटर सायन्स अँड इंजिनिअरींग (इंटरनेट ऑफ थिंग्स अँड सायबर सिक्युरिटी इन्क्ल्युडिंग ब्लॉकचेन टेक्नोलॉजी) अशा अभ्यासक्रमांची सुरुवात करण्यात आली आहे. स्कूल संकल्पना राबवणार विद्यापीठ पातळीवर विविध विषयांना एका छत्राखाली आणत स्कूल संकल्पना राबवली जाणार आहे. विविध विद्याशाखाअंतर्गत असणाऱ्या विषयांची ओळख आणि ते विषय शिकण्याची संधी यानिमित्ताने विद्यार्थ्यांना उपलब्ध होऊ शकेल. याअंतर्गत स्कूल ऑफ इंडियन लँग्वेजेस, स्कूल ऑफ इंग्लिश अँड फॉरेन लँग्वेजेस, स्कूल ऑफ सोशल सायन्सेस आणि स्कूल ऑफ पर्फॉर्मिंग आर्ट्स अशा विविध स्कूल्सची स्थापना करण्यासाठी आजच्या विद्या परिषदेमध्ये मंजूरी देण्यात आली. त्याचबरोबर अधिकाधीक विद्यार्थ्यांमध्ये एनसीसी बाबत जनजागृती व्हावी, विद्यार्थ्यांचा राष्ट्रसेवेमध्ये सहभाग वाढावा यासाठी एनसीसी हा विषय वैकल्पिक विषय म्हणून अधिकाधीक महाविद्यालयात सुरू करण्यासाठीही परवानगी देण्यात आली आहे.
from Career News in Marathi: Career News, मराठी Career बातम्या | Maharashtra Times https://ift.tt/3hRNSzd
via nmkadda
