.webp)
Advertisement
Date: महाराष्ट्र बोर्ड बारावीच्या निकालासंदर्भात महत्वाची अपडेट समोर आली आहेत. ताज्या माहितीनुसार महाराष्ट्र राज्य माध्यमिक आणि उच्च माध्यमिक शिक्षण मंडळ (Maharashtra State Board of Secondary and Higher Secondary Education, MSBSHSE)लवकरच बारावीच्या आर्ट्स, कॉमर्स आणि सायन्स शाखेतील सर्व निकालांची एकत्र घोषणा करणार आहे. सर्वोच्च न्यायालयाने बारावीचा निकाल ३१ जुलै २०२१ पर्यंत जाहीर करण्याचे निर्देश दिले होते. त्यामुळे आज निकालाची घोषणा केली जाण्याची शक्यता आहे. याच आठवड्यात बारावीचा निकाल जाहीर होणार आहे. विद्यार्थ्यांना अधिकृत वेबसाइटवर याची अधिकृत माहिती मिळू शकते. दरम्यान, महाराष्ट्र बोर्डातर्फे विद्यार्थ्यांना त्यांचे बैठक क्रमांक (Seat Number) पाहून ठेवण्याचे निर्देश दिले आहेत. यंदा बारावीची परीक्षा रद्द झाली होती, तत्पूर्वी या परीक्षेला नोंदणी केलेल्या सर्व विद्यार्थ्यांना ३ एप्रिल २०२१ रोजी ऑनलाइन प्रवेशपत्र देण्यात आली आहेत. त्यानुसार सर्व उच्च माध्यमिक शाळांनी वा कनिष्ठ महाविद्यालयांनी विद्यार्थ्यांना त्यांचे बैठक क्रमांक अवगत करून दिले आहेत. या बैठक क्रमांकांसंदर्भात मंडळाने एक परिपत्रक गुरुवारी २९ जुलै रोजी सायंकाळी जारी केले आहे. विद्यार्थ्यांना त्यांचे बैठक क्रमांकासंदर्भातील माहिती मंडळाच्या अधिकृत वेबसाइटवर मिळणार आहे. कसा लागणार निकाल? बारावीतील विद्यार्थ्यांचे मूल्यांकन करताना दहावी, अकरावी आणि बारावी अशा तीन वर्गांचे गुण विचारात घेण्यात आले आले. दहावी आणि अकरावीच्या लेखी परीक्षांचे प्रत्येकी ३० टक्के, तर बारावीचे ४० टक्के गुण गृहित धरण्यात आले आहेत. याशिवाय, बारावीचे अंतिम तोंडी परीक्षेचे गुणही विचारात घेतले गेले आहेत. बारावीला असणाऱ्या विद्यार्थ्यांचे गुण संकेतस्थळावर अपलोड करण्यासाठी २३ जुलैपर्यंत मुदत देण्यात आली होती. त्यानंतर, याकरिता एक दिवसाची मुदतवाढही देण्यात आली. या कालावधीत बहुतांश नियमित विद्यार्थ्यांचे गुण संकेतस्थळावर अपलोड झालेले आहेत. सुरुवातीला आलेल्या काही अडचणींनंतर बहुतांश ज्युनियर कॉलेजेसनी विद्यार्थ्यांचे गुण महाराष्ट्र माध्यमिक आणि उच्च माध्यमिक मंडळाकडे सादर केले आहेत. मागील वर्षी अनुत्तीर्ण झालेल्या विद्यार्थ्यांच्या गुणांसंदर्भातील काही अडचणी वगळल्यास बहुतांश विद्यार्थ्यांचे गुण आता अपलोड करण्यात आले आहेत. बारावी निकालाची वाट पाहणारे विद्यार्थी अधिकृत वेबसाइट mahahsscboard.maharashtra.gov.in आणि mahresult.nic.in वर जाऊन लेटेस्ट अपडेट पाहू शकतात.तसेच विद्यार्थी रिझल्ट पाहण्यासाठी खाली दिलेल्या स्टेप्स फॉलो करु शकता. Maharashtra 12th Result 2021: असा तपासा रिझल्ट बारावीचा निकाल पाहण्यासाठी अधिकृत वेबसाइट https://mh-hsc.ac.in/ वर जा. यानंतर Maharashtra या लिंकवर क्लिक करा. यानंतर बारावीचा रोल नंबर टाकून सबमिट करा. यानंतर तुम्हाला बारावीचा निकाल २०२१ स्क्रीनवर दिसेल. भविष्यातील उपयोगासाठी प्रिंटआऊट काढून ठेवा. अधिकृत वेबसाइटवर जाण्यासाठी इथे क्लिक करा बारावीचाा निकाल जाहीर झाल्यानंतर या लिंकवर क्लिक करा
from Career News in Marathi: Career News, मराठी Career बातम्या | Maharashtra Times https://ift.tt/3j7emgC
via nmkadda
