.webp)
Advertisement
NDA II 2021: सर्वोच्च न्यायालयाच्या निर्देशांनुसार केंद्रीय लोकसेवा आयोगाने (UPSC)एनडीए परीक्षेत महिला उमेदवारांना याच वर्षीपासून संधी देण्याचा निर्णय अखेर घेतला आहे. या भरती प्रक्रियेसाठी आयोगाने अॅप्लिकेशन विंडोदेखील पुन्हा उघडली आहे. वर्षातून दोन वेळा यूपीएससी एनडीए परीक्षेचे आयोजन करते. यंदा दुसऱ्या टप्प्यातील परीक्षेसाठी केवळ महिला उमेदवारांसाठी अॅप्लिकेशन विंडो उघडण्याचा इतिहास यूपीएससीने घडवला आहे. शुक्रवार २४ सप्टेंबर २०२१ पासून ही अर्ज प्रक्रिया सुरू होत असून यासंदर्भातील नोटीस आयोगाने जारी केली आहे. या नोटीसनुसार अविवाहित महिला उमेदवार एनडीए २ परीक्षा २०२१ साठी अॅप्लिकेशन फॉर्म ८ ऑक्टोबर २०२१ पर्यंत भरू शकतात. अर्जांची पात्रता यूपीएससीद्वारे जारी एनडीए २ परीक्षा २०२१ अधिसूचनेनुसार सैन्यदलाच्या कोणत्याही मान्यता प्राप्त बोर्ड किंवा विद्यापीठातून १२ वी किंवा समकक्ष परीक्षा उत्तीर्ण उमेदवार अर्ज करू शकतात. वायूदल आणि नौदलासाठी उमेदवारांना फिजिक्स, केमिस्ट्री आणि गणित विषयांसह बारावी किंवा समकक्ष परीक्षा उत्तीर्ण असणे आवश्यक आहे. या व्यतिरिक्त उमेदवारांचा जन्म २ जानेवारी २००३ पूर्वी किंवा १ जानेवारी २००६ नंतरचा असावा. फिजिकल स्टँडर्ड आणि रिक्त जागांची घोषणा नंतर यूपीएससी द्वारे महिला उमेदवारांसाठी एनडीए परीक्षा अॅप्लिकेशन विंडो उघडण्यासंदर्भात शुक्रवारी २४ सप्टेंबर २०२१ रोजी जारी झालेल्या नोटिसनुसार महिला उमेदवारांसाठी फिजिकल स्टँडर्ड आणि त्यांच्यासाठी आरक्षित जागांची माहिती संरक्षण मंत्रालयाकडून जारी झाल्यानंतर जारी केली जाईल.
from Career News in Marathi: Career News, मराठी Career बातम्या | Maharashtra Times https://ift.tt/39xQH4z
via nmkadda
