AISSEE 2022: सैनिक शाळेतील प्रवेश परीक्षेची सर्व माहिती जाणून घ्या Rojgar News

AISSEE 2022: सैनिक शाळेतील प्रवेश परीक्षेची सर्व माहिती जाणून घ्या Rojgar News

2022: राष्ट्रीय चाचणी एजन्सी (NTA) द्वारे ऑल इंडिया प्रवेश परीक्षा २०२२ () साठी अर्ज प्रक्रिया २७ सप्टेंबर २०२१ पासून सुरु होत आहे. उमेदवार २६ ऑक्टोबर, सायंकाळी ५ वाजेपर्यंत अधिकृत वेबसाइटला भेट देऊन अर्ज करू शकतात. त्याचबरोबर रात्री ११.५० पर्यंत फी भरता येणार आहे. सहावी आणि नववीच्या प्रवेशासाठी प्रवेश परीक्षा ९ जानेवारी रोजी घेण्यात येणार आहे. महत्वाच्या तारखा ऑनलाईन अर्ज करण्याची शेवटची तारीख: २६ ऑक्टोबर २०२१ फी जमा करण्याची शेवटची तारीख: २६ ऑक्टोबर २०२१ अर्जात सुधार करण्याची तारीख: २८ऑक्टोबर ते २ नोव्हेंबर २०२१ प्रवेश परीक्षेची तारीख: ९ जानेवारी २०२२ अधिकृत वेबसाइटवर उपलब्ध माहितीनुसार, प्रवेश परीक्षा ओएमआर शीटवर पेन-पेपर माध्यमातून घेतली जाईल. परीक्षेत मल्टीपल चॉईस प्रश्न (MCQ) विचारले जातील. परीक्षा शुल्क डेबिट कार्ड/ क्रेडिट कार्ड/ इंटरनेट बँकिंग किंवा पेटीएम द्वारे भरले जाऊ शकते. उमेदवार अधिकृत वेबसाइटला भेट देऊन परीक्षेचा पॅटर्न तपासू शकतात. पात्रता निकष (सहावीसाठी) इयत्ता सहावीमध्ये प्रवेश घेण्यासाठी उमेदवार मान्यताप्राप्त शाळेतून पाचवी उत्तीर्ण असावा. त्याचबरोबर उमेदवाराचे वय १० ते १२ वर्षांदरम्यान असावे. ३१ मार्च २०२२ पर्यंत वय मोजले जाईल. सहावीच्या प्रवेश परीक्षेचा कालावधी १५० मिनिटे असेल. पात्रता निकष (इयत्ता नववीसाठी) प्रवेशाच्या वेळी विद्यार्थ्यांनी मान्यताप्राप्त शाळेतून आठवी उत्तीर्ण असणे आवश्यक आहे. ३१ मार्च २०२२ रोजी विद्यार्थ्यांचे वय १३ ते १५ वर्षे दरम्यान असावे. अधिकृत वेबसाइटवर याची सविस्तर माहिती देण्यात आली आहे. इयत्ता नववीसाठी प्रवेश परीक्षेची वेळ १८० मिनिटे निश्चित करण्यात आला आहे. अर्ज शुल्क एससी आणि एसटी प्रवर्गातील उमेदवारांसाठी: ४०० रुपये उमेदवारांच्या इतर सर्व प्रवर्गासाठी: ५० रुपये १०० शाळांच्या सैनिक शाळांसोबत संलग्नतेला मान्यता केंद्रीय मंत्रिमंडळाने एक महत्त्वपूर्ण निर्णय घेतला आहे. या अंतर्गत मंत्रिमंडळाने शासकीय आणि खासगी अशा १०० शाळांना सैनिक शाळांसोबत संलग्नतेला मंजुरी दिली आहे. या शाळांमध्ये नवीन शैक्षणिक वर्ष २०२२-२३ मध्ये इयत्ता सहावीपासून याची सुरुवात होणार आहे. राष्ट्रीय शैक्षणिक धोरण NEP २०२० अंतर्गत हा पुढाकार घेण्यात आला आहे. या १०० शाळांमधील अभ्यासक्रमाला मंत्रिमंडळाने मान्यता दिली आहे. या शाळा खासगी आणि सरकारी अशा दोन्ही क्षेत्रात स्थापन केल्या जाणार आहेत. यासाठी अर्ज प्रक्रिया सुरु झाली असून ऑनलाइन माध्यमातून अर्ज करता येणार आहे. अधिकृत माहितीनुसार मूल्य आधारित शिक्षणावर लक्ष केंद्रित करुन मुलांना चारित्र्य, शिस्त, राष्ट्रीय कर्तव्याची भावना आणि देशभक्तीसह प्रभावी नेतृत्व विकसित केले जावे हा यामागचा हेतू आहे. या शाळा संरक्षण मंत्रालयाच्या विद्यमान सैनिक शाळांपेक्षा वेगळ्या असतील असेही यामध्ये म्हटले आहे. १०० नवीन संलग्न सैनिक शाळांना देशभरात पसरलेल्या ३३ सैनिक शाळांमधील प्रशासकीय अनुभव घेता येणार आहे. सैनिक शाळा सोसायटीशी संलग्न होण्यासाठी सरकारी/खासगी शाळा/स्वयंसेवी संस्थांकडून अर्ज मागविण्यात आले आहेत. मुलींना सैनिकी शाळांचे प्रशिक्षण एनडीए प्रमाणेच आरआयएमसी आणि आरएमएस या संस्थांमध्ये केवळ मुलांनाच प्रवेश दिला जातो. पण आता यामध्ये बदल पाहायला मिळणार आहे. नॅशनल डिफेन्स अॅकेडमी (National Defence Acadamy)व्यतिरिक्त मुलींना राष्ट्रीय भारतीय सैन्य महाविद्यालय (RIMC, Rashtriya Indian Military College) आणि पाच राष्ट्रीय सैन्य शाळांमध्ये (RMS, RASHTRIYA MILITARY SCHOOLS-INDIA)देखील मुलींना प्रवेश मिळेल अशी माहिती केंद्र सरकारने सर्वोच्च न्यायालयाला दिली. केंद्राने ६ ऑक्टोबर रोजी सर्वोच्च न्यायालयात यासंदर्भातील प्रतिज्ञापत्र सादर केले. न्या. संजय किशन कौल आणि न्या. एमएम सुंदरेश यांचे खंडपीठ सरकारच्या प्रतिज्ञापत्राची तपासणी करणार आहे. शैक्षणिक सत्र २०२२-२३ पासून सुरुवात केंद्राने आपल्या प्रतिज्ञापत्रात दिलेल्या माहितीनुसार २०२२-२३ या शैक्षणिक सत्रापासून आवश्यक संरचनात्मक आणि लॉजिस्टिक बदल केले जातील. यानंतर, मुलींना RIMC आणि RMS मध्ये समाविष्ट केले जाणार आहे. देहरादूनमधील RIMC प्रवेशासाठी ११.५ ते १३ वर्षे वयोगटातील विद्यार्थी अखिल भारतीय स्पर्धा परीक्षा उत्तीर्ण झाल्यानंतर संस्थेत प्रवेश घेऊ शकतील असे प्रतिज्ञापत्रात म्हटले आहे.


from Career News in Marathi: Career News, मराठी Career बातम्या | Maharashtra Times https://ift.tt/3AMcEId
via nmkadda

0 Response to "AISSEE 2022: सैनिक शाळेतील प्रवेश परीक्षेची सर्व माहिती जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel