म. टा. विशेष प्रतिनिधी, मुंबई मुंबईत मराठी माध्यमांच्या शाळांकडे पालक-विद्यार्थ्यांचा कल काही प्रमाणात वाढत असतानाच दुसरीकडे काही (Marathi Schools) मात्र बंद होत आहेत. इंग्रजी शाळा (English Medium Schools), सीबीएसई (CBSE), आयसीएसई (ICSE) शाळांची संख्या वाढत चालली आहे. परिणामी, मुंबईतील चार अनुदानित शाळा बंद करण्याची वेळ आली आहे. त्यात, मुंबईतील दोन मराठी आणि हिंदी, गुजराती माध्यमांच्या प्रत्येकी एक अशा एकूण चार शाळांचा समावेश आहे. मुंबईतील काही मराठी शाळांमध्ये विद्यार्थी संख्या शून्यावर आल्याने त्या शाळा बंद करण्याचा कटू निर्णय घेण्यात आला आहे. बंद पडलेल्या चारही शाळा या अनुदानित आहेत. विक्रोळीतील टागोर नगरमधील जनता विद्यामंदिर शाळेतील विद्यार्थी संख्या शून्यावर आली आहे. त्यामुळे त्यातील पहिले ते चौथीपर्यंतचे वर्ग बंद करण्यात आले आहेत. त्याच धर्तीवर, सहार येथील पी अँड टी कॉलनी टेंटेन्ट्स वेल्फेअर असोसिएशन संचालित मराठी माध्यमाच्या अनुदानित शाळेतही विद्यार्थी संख्या शून्यवर आली आहे. त्यामुळे या शाळेतील पहिली ते चौथीपर्यंतचे वर्ग बंद करण्यात आले आहेत. त्याचप्रमाणे ग्रँट रोड येथील गवालिया टँक येथील राजस्थानी महिला मंडळ संचालित अनुदानित हिंदी भाषिक शाळेतील विद्यार्थी संख्या शून्य झाली आहे. त्यामुळे तेथील पहिली ते चौथीचे वर्ग बंद झाले आहेत. यासह मार्वे रोड मालाड येथील जे. पी. श्रॉफ नूतन विद्यामंदिर गुजराती शाळेतही विद्यार्थी संख्या शून्यावर आल्याने तेथील पहिले ते चौथीचे वर्ग बंद झाले आहेत. गेल्या वर्षीही पालिकेच्या चार मराठी शाळा बंद झाल्या होत्या. बंद झालेल्या शाळांमधील शिक्षकांसह शिक्षकेतर कर्मचाऱ्यांना इतर खासगी अनुदानित आणि पालिकेच्या शाळेत रुजू करण्यात आले आहे. त्याबाबतचा प्रस्ताव प्रशासनाकडून शिक्षण समितीच्या बैठकीत कार्योत्तर मंजुरीसाठी ठेवण्यात आला आहे. इंग्रजी शाळांच्या संख्येत वाढ गेल्या वर्षी पालिकेच्या चार मराठी, चार उर्दू, गुजराती माध्यमाच्या चार शाळा बंद पडल्या आहेत. त्याचवेळी, इंग्रजी माध्यमाची एक शाळा वाढली असून 'मुंबई पब्लिक स्कूल' या खासगी संस्थांच्या साहाय्याने चालविल्या जाणाऱ्या इंग्रजी शाळांची संख्यादेखील एकाने वाढली आहे. हेही वाचा:
from Career News in Marathi: Career News, मराठी Career बातम्या | Maharashtra Times https://ift.tt/3DSKdLb
Source https://ift.tt/310mqee
0 टिप्पण्या