.webp)
Advertisement
CA December 2021 Exam: इंस्टिट्यूट ऑफ चार्टर्ड अकाउंटंट्स ऑफ इंडिया (ICAI) च्या ऑफलाइन परीक्षा डिसेंबरमध्ये सुरू होणार आहेत. ने या परीक्षांबाबत उमेदवार आणि परीक्षा केंद्र अधिकाऱ्यांसाठी मार्गदर्शक तत्त्वे जाहीर केली आहेत. डिसेंबर २०२१ मध्ये होणार्‍या सीए परीक्षा सुरक्षितपणे पार पाडण्यासाठी संस्थांतर्फे उपाययोजना करण्यात येत आहेत. परीक्षार्थींना त्यांच्या जिल्ह्याबाहेर जावे लागू नये यासाठी परीक्षा केंद्रांची संख्याही वाढवण्यात आली आहे. परीक्षेच्या मार्गदर्शक तत्त्वांनुसार, विद्यार्थ्यांना परीक्षेवेळी सोशल डिस्टन्सिंगचे पालन करावे लागणार आहे. विद्यार्थ्यांना परीक्षा हॉलमध्ये सही करताना आणि त्यांची ओळख करुन देताना फेसमास्क खाली करावा लागेल. परीक्षेदरम्यान, विद्यार्थ्यांना फेस मास्क आणि फेस शिल्ड घालावी लागणार आहे. परीक्षेवेळी विद्यार्थ्यांना हातमोजे, स्वत:ची पाण्याची बाटली, वैयक्तिक हँड सॅनिटायझर आणि परीक्षेशी संबंधित कागदपत्रे सोबत बाळगता येईल. गर्दी टाळण्यासाठी आणि सामाजिक अंतर राखण्यासाठी विद्यार्थ्यांना रिपोर्टींगच्या वेळेत केंद्रावर पोहोचण्यास सांगण्यात आले आहे. अन्यथा परीक्षा केंद्रात प्रवेश नाही परीक्षा केंद्रावर पोहोचण्यापूर्वी करोनाची कोणतीही लक्षणे नसल्याची विद्यार्थ्यांनी खात्री करावी. परीक्षा केंद्राच्या मुख्य गेटवर थर्मल टेंपरेचर स्कॅनिंग आणि हॅन्ड सॅनिटायझेशन करावे लागेल. शरीराचे तापमान निर्धारित मर्यादेपेक्षा जास्त असल्यास विद्यार्थी आणि इतर परीक्षा अधिकाऱ्यांना केंद्रात प्रवेश दिला जाणार नसल्याचे मार्गदर्शक तत्वांमध्ये स्पष्ट करण्यात आले आहे. अंतिम परीक्षांचे वेळापत्रक इन्स्टिट्यूट ऑफ चार्टर्ड अकाउंटन्टस् ऑफ इंडिया अर्थात (Institute of Chartered Accountants of India, ICAI)ने डिसेंबर २०२१ मध्ये होणाऱ्या सीए फाउंडेशन, इंटरमिडिएट आणि फायनल परीक्षांचे वेळापत्रक जारी केले आहे. या वेळापत्रकानुसार, १३, १५, १७ आणि १९ डिसेंबर रोजी फाउंडेशन परीक्षा होणार आहेत. फाउंडेशन परीक्षा नव्या स्कीमनुसार होणार आहेत. इंटरमिडिएट परीक्षा जुन्या आणि नव्या अभ्यासक्रमानुसार होणार असून या परीक्षांना ६ डिसेंबरपासून सुरुवात होईल. जुन्या आणि नव्या अभ्यासक्रमाच्या अंतिम परीक्षा ५ ते १९ डिसेंबर २०२१ या कालावधीत होतील. जे उमेदवार या परीक्षा देणार आहेत, त्यांना संपूर्ण वेळापत्रक आयसीएआयच्या अधिकृत संकेतस्थळावर icaiexam.icai.org येथे पाहता येईल. इन्शुरन्स रिस्क मॅनेजमेंट (IRM)परीक्षांच्या १ ते ४ मोड्युल्सची परीक्षा ५, ७, ९ आणि ११ डिसेंबर रोजी होईल. इंटरनॅशनल ट्रेड लॉ आणि वर्ल्ड ट्रेड ऑर्गनायझेशन पार्ट १ परीक्षा ५ ते ११ या कालावधीत होतील. सर्व परीक्षा दोन सत्रात होतील. पेपर १ व २, दुपारी २ ते सायंकाळी ५ आणि पेपर ३ आणि ४ दुपारी २ ते ४ या वेळेत होतील. फाउंडेशन, इंटरमिडिएट आणि फायनल परीक्षांची अर्ज प्रक्रिया १६ ऑगस्टपासून सुरू होणार आहे. ३० सप्टेंबर २०२१ पर्यंत अर्ज करण्याची मुदत आहे. icaiexam.icai.org या संकेतस्थळावरून अर्ज करता येणार आहेत.
from Career News in Marathi: Career News, मराठी Career बातम्या | Maharashtra Times https://ift.tt/3obeQVv
via nmkadda
