Advertisement
2021: मॉइल लिमिटेडमध्ये आणि मॅनेजर पदांच्या विविध रिक्त जागा भरल्या जाणार आहेत. या भरतीसाठी इच्छुक आणि पात्र उमेदवारांकडून अर्ज मागविण्यात आले होते. या पदांसाठी अर्ज करणाऱ्या उमेदवारांसाठी महत्वाची अपडेट आहे. भारत सरकारच्या सार्वजनिक क्षेत्रातील उपक्रमांपैकी एक असलेल्या मॉइल लिमिटेडने (MOIL Limited)ने ग्रॅज्युएट ट्रेनी (GT) आणि मॅनेजर पदांच्या भरती परीक्षेसाठी प्रवेशपत्रे जाहीर केली आहेत. मॉइल लिमिटेड पदभरती अंतर्गत ग्रॅज्युएट ट्रेनी किंवा मॅनेजर पदांसाठी अर्ज केलेले उमेदवार अधिकृत वेबसाइट moil.nic.in वर दिलेल्या लिंकवरून प्रवेशपत्र डाऊनलोड करु शकतात. बातमीखाली याची थेट लिंक देण्यात आली आहे. MOIL लिमिटेड द्वारे ग्रॅज्युएट ट्रेनी किंवा मॅनेजर पदांसाठी ऑनलाइन परीक्षा 25 नोव्हेंबर 2021 रोजी घेतली जाणार आहे. MOIL Exam Admit Card: या स्टेप्स फॉलो करुन करा डाऊनलोड MOIL ग्रॅज्युएट ट्रेनी किंवा मॅनेजर पदांच्या परीक्षेसाठी प्रवेशपत्र डाउनलोड करण्यासाठी सर्वप्रथम अधिकृत वेबसाइट वर जा. रिक्रूटमेंट सेक्शनवर क्लिक करा. भरती प्रवेशपत्र डाउनलोड करण्यासाठी लिंकवर क्लिक करा. नवीन पेजवर उमेदवारांनी त्यांचा नोंदणी क्रमांक, पासवर्ड किंवा जन्मतारीख भरून सबमिट करा. उमेदवारांना स्क्रीनवर त्यांचे प्रवेशपत्र दिसेल.ते डाऊनलोड करा आणि भविष्यातील उपयोगासाठी त्याची प्रिंट घ्या. ऑनलाइन परीक्षा MOIL लिमिटेड मधील ग्रॅज्युएट ट्रेनी किंवा मॅनेजर पदांच्या ऑनलाइन परीक्षेसाठी जाहीर केलेल्या अपडेटनुसार, परीक्षेचा कालावधी ९० मिनिटांचा असेल. यामध्ये जनरल नॉलेज/ रिजनिंग, जनरल इंग्रजी आणि सब्जेक्ट नॉलेज या विषयातून एकूण ८५ वस्तुनिष्ठ प्रकारचे प्रश्न विचारले जातील. प्रत्येक प्रश्नासाठी १ गुण दिलेला आहे. प्रश्नांची भाषा इंग्रजी आणि हिंदी दोन्ही असेल. मॉइल लिमिटेडने ११ ऑगस्ट २०२१ रोजी ग्रॅज्युएट ट्रेनी (मॅकेनिकल, इलेक्ट्रीकल) किंवा मॅनेजर पदांच्या भरतीसाठी जाहिरात प्रसिद्ध केली होती. १५ सप्टेंबर ही अर्ज करण्याची शेवटची तारीख होती. याला उमेदवारांनी चांगला प्रतिसाद दिला असून मोठ्या प्रमाणात अर्ज प्राप्त झाले आहेत. आता याचे प्रवेशपत्र जाहीर करण्यात आले आहे. त्यानंतर आता २५ नोव्हेंबरला ऑनलाइन परीक्षा होणार आहे.
from Career News in Marathi: Career News, मराठी Career बातम्या | Maharashtra Times https://ift.tt/3l917Ov
via nmkadda