शिक्षकांसाठी आता नॅशनल मिशन फॉर मेंटरिंग Rojgar News

शिक्षकांसाठी आता नॅशनल मिशन फॉर मेंटरिंग Rojgar News

म. टा. प्रतिनिधी, पुणे राष्ट्रीय शिक्षक शिक्षण परिषदेने () शिक्षणातील गुणवत्ता वाढविण्याचे उद्दिष्ट ठेवून उत्तम शिक्षकांना घडवण्यासाठी 'नॅशनल मिशन फॉर मेंटरिंग' अभियान प्रस्तावित केले आहे. या अभियानासाठी 'ब्ल्यूबुक फॉर मेंटरिंग' या नावाने ''कडून मार्गदर्शक सूचना प्रसिद्ध करण्यात आल्या असून, मार्गदर्शक सूचनांच्या मसुद्यावर शिक्षण क्षेत्राशी निगडीत भागधारकांकडून तीस दिवसांत हरकती सूचना मागवण्यात आल्या आहेत. याबाबतचे परिपत्रक नुकतेच 'एनसीटीई'ने प्रसिद्ध केले असून, अभियानाअंतर्गत शिक्षकांना प्रशिक्षित केले जाणार आहे. शिक्षक आणि मुख्याध्यापकांनी आताच्या काळात निर्माण झालेल्या अभूतपूर्व मागण्या पूर्ण करण्यासह नव्या आव्हानांना तोंड देण्याची गरज आहे. त्यामुळेच नव्या शैक्षणिक धोरणात शिक्षण क्षेत्राच्या रचनेत बदल करण्यासोबतच वेगवेगळ्या स्तरावर मार्गदर्शन (मेंटरिंग) प्रस्तावित करण्यात आले आहे. त्यात विद्यार्थ्यांसह शिक्षकांसाठीही मार्गदर्शनाची तरतूद करण्यात आली आहे. शिक्षकांचा आंतरविद्याशाखीय दृष्टिकोन विकसित करण्यावर भर देण्यात आला आहे. त्यामुळे बदलत्या काळासह जुळवून घेण्यासाठी शिक्षकांची क्षमतावृद्धी करण्याची गरज लक्षात घेऊन त्यांना व्यावसायिक पद्धतीने मार्गदर्शन करण्यासाठी 'नॅशनल मिशन फॉर मेंटरिंग' सुरू करण्यात येणार आहे, अशी माहिती 'एनसीटीई'ने परिपत्रकाद्वारे दिली आहे. मार्गदर्शनासाठी नव्या पद्धतींचा वापर करण्यासह 'नॅशनल मेंटरिंग इन्फ्रास्ट्रक्चर'ची निर्मितीही करण्यात येणार आहे. 'ओपन सोर्स' आणि 'ऑनलाइन' अशी ही प्रणाली असल्याचे मार्गदर्शक सूचनांमध्ये नमूद करण्यात आले आहे. अभियानाच्या मार्गदर्शक सूचनांचा मसुदा 'एनसीटीई'च्या वेबसाइटवर उपलब्ध करून देण्यात आला आहे. या मुसद्यावर तीस दिवसांत त्यावर हरकती-सूचना पाठवण्याचे आवाहन 'एनसीटीई'तर्फे करण्यात आले आहे.


from Career News in Marathi: Career News, मराठी Career बातम्या | Maharashtra Times https://ift.tt/2YyzupW
via nmkadda

0 Response to "शिक्षकांसाठी आता नॅशनल मिशन फॉर मेंटरिंग Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel