.webp)
Advertisement
पुणे : राज्य सामाइक प्रवेश परीक्षा कक्षाने () विविध व्यावसायिक अभ्यासक्रमांच्या प्रवेश प्रक्रियेला सुरुवात केल्यानंतर, आता 'फाइन आर्टस्' पदवी (Fine Art Degree course) अभ्यासक्रमाच्या प्रवेशप्रक्रियेला गुरुवारपासून सुरुवात केली आहे. या प्रक्रियेत विद्यार्थ्यांना २८ नोव्हेंबरपर्यंत 'ऑनलाइन' पद्धतीने अर्ज आणि कागदपत्रे अपलोड करता येतील. 'सीईटी सेल'ने जाहीर केलेल्या वेळापत्रकानुसार फाइन आर्टस् अभ्यासक्रमांच्या प्रवेशासाठी विद्यार्थ्यांना २८ नोव्हेंबरपर्यत कागदपत्रांची पडताळणी आणि अर्ज निश्चिती पूर्ण करायची आहे. त्यानंतर विद्यार्थ्यांची निवड आणि तात्पुरती गुणवत्ता यादी २९ नाव्हेंबर रोजी सायंकाळी ४ वाजता जाहीर केली जाणार आहे. या यादीबाबातचे काही आक्षेप असल्यास ते नोंदवण्यासाठी ३० नाव्हेंबरपर्यंत मुदत देण्यात आली आहे. यानंतर अंतिम गुणवत्ता यादी एक डिसेंबर रोजी सायंकाळी चार वाजता, तर प्रवेशासाठीची पहिली जागा निश्चितीची यादी सहा डिसेंबर रोजी जाहीर केली जाणार आहे. राज्यातील फाइन आर्टस्‌ची कॉलेजे १० डिसेंबरपासून सुरू होणार असून प्रवेशाची अंतिम तारीख ही २८ डिसेंबर राहणार आहे. प्रवेश परीक्षा कक्षाने गेल्या आठवड्यात सीईटीचा निकाल जाहीर केला होता. या निकालाच्या आधारावरच प्रवेश प्रक्रियेला सुरुवात केली असल्याची माहिती देण्यात आली.
from Career News in Marathi: Career News, मराठी Career बातम्या | Maharashtra Times https://ift.tt/3Cxxfkt
via nmkadda
