JEE Main 2022 परीक्षा फेब्रुवारीत नव्हे मार्चमध्ये होण्याची शक्यता

Advertisement

जर तुम्ही इंजिनीअरिंग प्रवेश परीक्षा म्हणजेच जॉइंट एन्ट्रन्स टेस्ट ()मेन परीक्षेची तयारी करत jeeअसाल तर तुमच्यासाठी महत्त्वाची बातमी आहे. देशभरातील प्रतिष्ठित इंजिनीअरिंग संस्थांमध्ये बॅचलर डिग्री अभ्यासक्रमांसाठी प्रवेशांसाठी जॉइंट एन्ट्रन्स परीक्षेचे आयोजन मार्च २०२२ मध्ये केले जाण्याची शक्यता आहे. राष्ट्रीय परीक्षा एजन्सी (NTA)द्वारे या परीक्षेचे आयोजन केले जाते. यापूर्वी अशी शक्यता वर्तवली जात होती की २०२१ प्रमाणेच २०२२ मध्ये देखील जेईई परीक्षेचा आयोजन टप्प्याटप्प्याने फेब्रुवारीपासून सुरू होईल. पण विविध मिडीया रिपोर्ट्सनुसार, एनटीए जेईई मेन २०२२ चे आयोजन मार्चपासून एकूण चार टप्प्यांमध्ये होऊ शकते. मार्चमध्ये होण्याची शक्यता का? यंदा बोर्ड परीक्षांचे आयोजन दोन टप्प्यात करण्यात आले आहे. पहिला टप्पा डिसेंबर २०२१ मध्ये पार पडला आहे तर दुसऱ्या टप्प्यातील बोर्ड परीक्षा मार्च २०२२ मध्ये आयोजित होणार आहेत. परिणामी जेईई मेन परीक्षेचे आयोजनही फेब्रुवारीऐवजी मार्चमध्ये होण्याची दाट शक्यता आहे. शिवाय पुढील वर्षी पाच राज्यात होणाऱ्या विधानसभा निवडणुकांमुळे देखील ही परीक्षा मार्चमध्ये आयोजित केली जाऊ शकते. निवडणुकांमुळे २०२२ च्या जेईई मार्च आयोजनात बदल होऊ शकतो. पहिली परीक्षा मार्चमध्ये त्यानंतर एप्रिल, मे आणि जून मध्ये जेईई मेन परीक्षा होण्याची शक्यता आहे. मात्र, अधिकृतरित्या जेईई मेन २०२२ रजिस्ट्रेशन सुरू होण्याच्या तारखांमध्ये कोणतेही अपडेट देण्यात आलेले नाही. पण अशी शक्यता आहे की जेईई मेन २०२२ साठी नोंदणी जानेवारी पासून jeemain.nta.nic.in वर सुरू होऊ शकते. अधिसूचना जानेवारीच्या पहिल्या आठवड्यात जारी केली जाऊ शकते.

source https://maharashtratimes.com/career/career-news/jee-main-2022-may-be-conducted-in-march-2022-instead-of-february-here-are-the-reasons/articleshow/88566800.cms