.webp)
Advertisement
ICSE 10th 12th syllabus 2022: काऊंसिल फॉ द इंडियन स्कूल सर्टिफिकेट एग्झामिनेशन (ISCE)च्या विद्यार्थ्यांसाठी एक दिलासादायक बातमी आहे. कारण ICSE संस्थेने नवे शैक्षणिक सत्र २०२१-२२ साठी महत्वाचा निर्णय घेतला आहे. या निर्णयानुसार दहावी आणि बारावीच्या करण्यात आली आहे. आता कपात केलेल्या अभ्यासक्रमाच्या आधारे आयसीएसई दहावी (ICSE)आणि बारावी (ISC) बोर्ड परीक्षा २०२२ (ICSE Exams 2022) चे आयोजन केले जाणार आहे. बोर्डाने आपली अधिकृत वेबसाइट cisce.org वर नवा अभ्यासक्रम जाहीर केला आहे. याची लिंक बातमीखाली देण्यात आली आहे. या लिंकवर क्लिक करुन तुम्ही नवा बदललेला अभ्यासक्रम डाऊनलोड करु शकता. आयसीएसई बोर्डाने () यासंदर्भात शाळांना पत्र देखील लिहिले आहे. करोना प्रादुर्भावामुळे संपूर्ण देश अडचणींचा सामना करत आहे. फिरणे, खरेदी, दळवळण या सर्वांवर निर्बंध आले आहेत. मुलांचे ऑनलाइन क्लास सुरु झाले आहेत. अभ्यासक्रम कमी करणे ही सध्याच्या काळाची गरज आहे. पूर्ण वर्षात अभ्यासाचे तास कमी केले जाणार आहेत. टीचिंग-लर्निंग प्रोसेसवर याचा वाईट परिणाम होतोय. म्हणून आयसीएसईने विविध विषयातील आपल्या अभ्यासक्रमावर विचार सुरु केलाय. विशेषत: वर्ष २०२२ मध्ये होणाऱ्या दहावी आणि बारावी परीक्षांसाठी अभ्यासक्रम कमी केला जाणार आहे. आयसीएसई बोर्डाने सध्या आयसीएसई म्हणजे दहावी बोर्ड परीक्षा (ISCE Exam 2022)आणि आयएससी म्हणजे बारावीच्या परीक्षेसाठी (ISC Exam 2022) इंग्रजी आणि भारतीय भाषेचा वगळलेला अभ्यासक्रम जाहीर केला आहे. तुम्ही खाली दिल्या गेलेल्या पद्धतीनुसार अभ्यासक्रम डाऊनलोड करु शकता. ISCE च्या वेबसाईटवर cisce.org वर जा. होमपेजवर ISCE (दहावी) किंवा आयएससी (बारावी) वरील टॅब क्लिक करा. ड्रॉपडाऊन बॉक्समध्ये regulations & Syllabuses लिंक वर क्लिक करा. नवे पेज खुले होईल. इथे तुम्हाला नवा अभ्यासक्रम मिळेल. त्यावर क्लिक करुन डाऊनलोड करा. इतर विषयांचा कमी केलेला अभ्यासक्रम लवकरच जाहीर केला जाणार आहे. त्यामुळे तुम्हाला ISCE च्या अधिकृत वेबसाईटकडे लक्ष देणे गरजेचे आहे. करोना काळात ऑनलाइन अभ्यासक्रम सुरु असल्याने अभ्यासक्रमात कपात करावी अशी मागणी देशभरात अनेक विद्यार्थ्यांनी केली होती. अशा विद्यार्थ्यांसाठी ही आनंदाची बातमी आहे.
from Career News in Marathi: Career News, मराठी Career बातम्या | Maharashtra Times https://ift.tt/3xmd6Mo
via nmkadda
