Advertisement
MU 3rd year BSc Session 6 Result: मुंबई विद्यापीठातर्फे दिलेल्या विद्यार्थ्यांसाठी महत्वाची बातमी आहे. विद्यापीठातर्फे हा निकाल नुकताच जाहीर करण्यात आला आहे. मे २०२१ मध्ये ही परीक्षा घेण्यात आली होती. मुंबई विद्यापीठाच्या अधिकृत वेबसाइटवर जाऊन हा निकाल पाहता येणार आहे. बातमीखाली याची थेट लिंक देण्यात आली आहे. मुंबई विद्यापीठाच्या उन्हाळी सत्राच्या पारंपारिक विज्ञान शाखेच्या तृतीय वर्ष बीएस्सी सत्र ६ या परीक्षेचा निकाल जाहीर झाला आहे. या परीक्षेचा निकाल ७४.४४ टक्के इतका लागला आहे. करोना प्रादुर्भावाच्या पार्श्वभूमीवर या परीक्षा ऑनलाईन पद्धतीने घेण्यात आल्या होत्या. तृतीय वर्ष बीएस्सी सत्र ६ या परीक्षेला १० हजार ६४२ विद्यार्थ्यांनी नोंदणी केली होती. त्यापैकी १० हजार ६१० एवढे विद्यार्थी परीक्षेत प्रविष्ठ झाले होते. या परीक्षेत एकूण ७ हजार ६०० विद्यार्थी उत्तीर्ण झाले तर ३२ विद्यार्थी परीक्षेला अनुपस्थित होते. तसेच या परीक्षेत १८६ विद्यार्थी हे अनुत्तीर्ण झाले आहेत. मुंबई विद्यापीठातर्फे उन्हाळी सत्राचे आत्तापर्यंत ६३ निकाल जाहीर करण्यात आले आहेत. आज विद्यापीठाने बीएस्सीसोबतच बीई (इलेक्ट्रॉनिक्स अँड टेलिकम्युनिकेशन इंजिनिअरिंग) सत्र ८, बीई (आटोमोबाईल इंजिनिअरिंग) सत्र ८, बीई (इन्स्ट्रुमेन्टेशन इंजिनिअरिंग) सत्र ८, मास्टर ऑफ म्युझिक (हिंदुस्थानी क्लासिकल व्होकल म्युझिक ) भाग २, तृतीय वर्ष बी.म्युझिक (हिंदुस्थानी क्लासिकल इन्स्ट्रुमेंट म्युझिक पर्क्युसन ), तृतीय वर्ष बी.म्युझिक (हिंदुस्थानी क्लासिकल व्होकल म्युझिक ), तृतीय वर्ष बी.म्युझिक (हिंदुस्थानी क्लासिकल इन्स्ट्रुमेंट म्युझिक नॉन पर्क्युसन ) असे आठ निकाल जाहीर केले आहेत. या परीक्षेला बसलेल्या विद्यार्थ्यांना आपला निकाल पाहण्यासाठी विद्यापीठाची अधिकृत वेबसाइट https://ift.tt/2eryysJ यावर जावे लागेल. उत्तीर्ण झालेल्या सर्व विद्यार्थ्यांचे मुंबई विद्यापीठाचे कुलगुरू डॉ. सुहास पेडणेकर यांनी अभिनंदन केले आहे.
from Career News in Marathi: Career News, मराठी Career बातम्या | Maharashtra Times https://ift.tt/3xWF4im
via nmkadda
