Advertisement
2022: ग्रॅज्युएट अॅप्टीट्यूड टेस्ट इन इंजिनीअरिंग (GATE) २०२२ परीक्षेसाठी नोंदणी प्रक्रिया आजपासून म्हणजेच २ सप्टेंबरपासून सुरू झाली आहे. या परीक्षेसाठी उमेदवार अधिकृत वेबसाइट आयआयटी खडगपूर- iitkgp.ac.in, gate.iitd.ac.in च्या अधिकृत वेबसाइटवर जाऊन (GATE Registration 2022)साठी अर्ज करू शकतात. संस्थेतून जाहीर करण्यात आलेल्या नोटिफिकेशननुसार ३० ऑगस्ट २०२१ ही प्रक्रिया सुरु होणार होती. पण काही कारणामुळे नोंदणी प्रक्रीया २ सप्टेंबरपर्यंत पुढे ढकलण्यात आली या वेळी गेट २०२२ ची परीक्षा आयआयटी खडगपूर च्या माध्यमातून आयोजित करण्यात येत आहे. उमेदवारांना २४ सप्टेंबर पर्यंत नोंदणी करता येणार आहे. १ ऑक्टोबर २०२१ पर्यंत विलंब शुल्कासह अर्ज भरता येणार आहे. उमेदवार एक किंवा दोन पेपरसाठी अर्ज करू शकतात पण एकच अर्ज भरला जाईल. GATE Exam Date: गेट २०२२ परीक्षा केव्हा? गेट २०२२ परीक्षेचे आयोजन ५ फेब्रुवारी, ६ फेब्रुवारी, १२ फेब्रुवारी आणि १३ फेब्रुवारी २०२२ ला केले जाणार आहे. आयआयटी खडगपूरने दिलेल्या माहितीनुसार, करोना प्रादुर्भावाच्या पार्श्वभूमीवर या वेळापत्रकामध्ये बदल देखील केला जाऊ शकतो. GATE schedule: पाहा संपूर्ण वेळापत्रक गेट २०२२ साठी ऑनलाइन नोंदणी सुरुवात- ३० ऑगस्ट २०२१ रेग्यूलर ऑनलाइन नोंदणीची शेवटची तारीख- २४ सप्टेंबर २०२१ लेट फीससहित नोंदणीची शेवटची तारीख- १ ऑक्टोबर २०२१ परीक्षेची तारीख-५,६,१२ आणि १३ फेब्रुवारी २०२२ गेट रिझल्टची तारीख- १७ मार्च २०२२ GATE 2022 registration: अशी करा नोंदणी गेट २०२२ नोंदणी प्रक्रिया ऑनलाइन पूर्ण करावी लागणार आहे. गेट २०२२ ची वेबसाइट gate.iitkgp.ac.in वर जावे लागेल. तुम्ही एक किंवा दोन पेपर्ससाठी अर्ज करु शकता. पण एकच अर्ज भरला जाईल. जर तुम्ही एकाहून अधिक अर्ज भरले तर स्वीकारले जाणार नाहीत. इतर अर्ज रद्द केले जातील आणि त्याचे शुल्क परत केले जाणार नाही. गेट २०२२ नोंदणी शुल्क एससी, एसटी, दिव्यांग आणि सर्व महिला उमेदवारांसाठी गेट अर्ज शुल्क ७५० रुपये आहे. लेट फीससहित एकूण फीस- १ हजार २५० रुपये इतर सर्व उमेदवारांसाठी अर्ज शुल्क- १ हजार ५०० रुपये लेट फीससहित २ हजार रुपये शुल्क भरावे लागेल.
from Career News in Marathi: Career News, मराठी Career बातम्या | Maharashtra Times https://ift.tt/3DxQ5cW
via nmkadda