ICAI कडून सीए नोव्हेंबर परीक्षेसंदर्भात महत्वाचे नोटिफिकेशन, जाणून घ्या Rojgar News

ICAI कडून सीए नोव्हेंबर परीक्षेसंदर्भात महत्वाचे नोटिफिकेशन, जाणून घ्या Rojgar News

CA November Exams 2021: इन्स्टिट्यूट ऑफ चार्टर्ड अकाउंटंट्स ऑफ इंडिया (Institute of Chartered Accountants of India, ) ने सीए नोव्हेंबर परीक्षा २०२१ संदर्भात एक महत्त्वपूर्ण सूचना जाहीर केली आहे. यानुसार, संस्थेने २१ जुलै २०२१ ते २० ऑगस्ट २०२१ पर्यंत पूर्वीच्या योजनेतून (old Scheme) सुधारित योजनेत आलेल्या विद्यार्थ्यांसाठी ही सूचना आहे. या विद्यार्थ्यांना नोव्हेंबर २०२१ च्या परीक्षेमध्ये जुन्या/नवीन स्कीमनुसार (old/New Scheme) बसण्याची परवानगी देण्यात आली आहे. या संदर्भात आयसीएआयने ट्विटवर अधिकृत नोटिफिकेशनदेखील जाहीर केले आहे. अधिकृत नोटिफिकेशननुसार, जे उमेदवार नंतर परीक्षेला बसू शकले नाहीत आणि ज्यांनी ऑप्ट आऊटचा पर्याय निवडला त्यांना नोव्हेंबर २०२१ मध्ये होणाऱ्या सीए फायनल आणि इंटरमीडिएट जुन्या अभ्यासक्रमाच्या परीक्षेला बसण्याची शेवटची संधी देण्यात आली आहे. या अंतर्गत ज्या उमेदवारांनी मागील योजनेतून सुधारित योजनेत रूपांतर केले आहे, त्यांना जुन्या / नवीन योजनेमध्ये (इंटरमीडिएट (इंटिग्रेटेड प्रोफेशनल अॅबिलिटी / इंटरमीडिएट आणि फायनल (old) / अंतिम (नवीन)) उपस्थित राहण्याची संधी दिली जाईल. ही परीक्षा नोव्हेंबरमध्ये होणार आहे. या विद्यार्थ्यांनी नोव्हेंबर २०२१ परीक्षेसाठी परीक्षा फॉर्म भरताना, ज्या योजनेत उपस्थित राहायचे आहे त्या योजनेचा उल्लेख करणे आवश्यक आहे. ICAI कडून मुदतवाढ इन्स्टिट्यूट ऑफ चार्टर्ड अकाउंटंट्स ऑफ इंडिया, (ICAI) ने फायनल आणि इंटरमीडिएट कोर्सेससाठी होणाऱ्या CA परीक्षा २०२१ फायनल अटेम्प्टला नोव्हेंबर २०२१ पर्यंत मुदतवाढ दिली आहे. यासंदर्भात अधिकृत वेबसाइट icai.org वर नोटीस जाहीर करण्यात आली आहे. अधिकृत सूचनेनुसार, करोनाच्या प्रसारामुळे विद्यार्थ्यांना झालेला त्रास दूर करण्यासाठी हा निर्णय घेण्यात आला आहे. मे २०२१ ची परीक्षा न देता आलेल्या विद्यार्थ्यांसाठी ही तारीख वाढविण्यात आली आहे. फायनल आणि इंटरमीडिएट कोर्सच्या विद्यार्थ्यांसाठी ही दिलासादायक बातमी आहे. नोव्हेंबर २०२१ ला होणारी परीक्षा जुन्या अभ्यासक्रमांतर्गत परीक्षा लिहिणाऱ्या विद्यार्थ्यांसाठी शेवटचा अटेम्ट असेल. यापुढे अशी मुदतवाढ दिली जाणार नाही. कारण जुनी अभ्यासक्रम योजना कायमची बंद केली जाणार आहे. दरम्यान, संस्थेने डिसेंबरच्या परीक्षांचे संपूर्ण वेळापत्रक जाहीर केले आहे. ICAI ने IRM, चार्टर्ड अकाउंटंट इंटरमीडिएट, फायनल आणि फाउंडेशन परीक्षांचे वेळापत्रक जाहीर केले आहे. ICAI च्या अधिकृत वेबसाइटवर icai.org. परीक्षांचे वेळापत्रक पाहता येणार आहे.


from Career News in Marathi: Career News, मराठी Career बातम्या | Maharashtra Times https://ift.tt/3tm6758
via nmkadda

0 Response to "ICAI कडून सीए नोव्हेंबर परीक्षेसंदर्भात महत्वाचे नोटिफिकेशन, जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel